صدر جمہوریہ دروپدی مرمو نے میسور و کے دس روزہ دسہرہ تقریبات کا افتتاح کیا

Source: S.O. News Service | Published on 27th September 2022, 12:46 PM | ریاستی خبریں |

میسورو، 27؍ستمبر (ایس او نیوز؍نامہ نگار) دوماہ کی تیاریوں کے بعد آج بروز پیر صدر جمہوریہ دروپدی مرمو نے میسور کے چامنڈی پہاڑ پر دس روزہ دسہرہ تقریبات کا چامنڈیشوری دیوی کی مورتی پر پھول نچھاور کرکے افتتاح کیا۔ پہلے صدر جمہوریہ نے چامنڈیشوری دیوی کے درشن کئے اور اس مندر کی تاریخ کے تعلق سے تفصیل سے جانکاری حاصل کی۔ مہورت کے تحت چامنڈی پہاڑ پر دسہرہ تقریبات کے افتتاح کیلئے صبح9.45بجے اور صبح 10.05بجے کا وقت طے تھا لیکن صدر جمہوریہ نے چار منٹوں کی تاخیر سے دسہرہ تقریبات کا افتتاح کیا۔جب صدر جمہوریہ تقریبات کے افتتاح کیلئے اسٹیج پر پہنچیں، محکمہ پولیس کی بیانڈ سے قومی ترانہ پیش کیا گیا۔ ریاستی گورنر تھاور چند گہلوٹ، وزیر اعلیٰ بسوراج بومئی، مرکزی وزراء کماری شوبھا کارندلاجے،پرہلاد جوشی، ایس ٹی سوم شیکھر، ریاستی وزیر برائے کنڑا اینڈ کلچر وی سنیل کمار اس موقع پر موجود تھے، صدر جمہوریہ منتخب ہونے کے بعد شریمتی دروپدی کا ریاست کرناٹک کا یہ پہلا دورہ ہے۔ دسہرہ کی تاریخ میں پہلی مرتبہ صدر جمہوریہ دسہرہ تقریبات کا افتتاح کررہی ہیں۔ راشٹر پتی بھون سے منظور شدہ پروگرام کے تحت اسٹیج پر صرف 13معزز شخصیات کو موجود رہنے کی اجازت دی گئی تھی لیکن بعد میں اس تعداد کو صرف 7تک محدود کردیاگیا جس کی وجہ سے کئی معزز زشخصیات کواسٹیج کے روبرو صوفے پر بیٹھنا پڑا۔ گزشتہ دو برسوں سے کووڈکی وجہ سے دسہرہ تقریبات کو صرف شاہی محل کے احاطے تک ہی محدود رکھا گیا تھا۔گزشتہ ہفتہ اور اتوار کو ہی سیاحوں کی کافی تعداد میسور پہنچ کر لطف اندوز ہوئی۔ تقریبات کے افتتاح کے موقع پر عوام کیلئے چامنڈی پہاڑ کو بند کردیا گیا تھاجسے صدر جمہوریہ کی واپسی کے بعد کھول دیا گیا۔ دہلی سے ایک خصوصی طیارے کے ذریعہ صدر جمہوریہ میسور کے منڈکلی ائیر پورٹ پہنچی تھیں۔ افتتاح کے بعد دھارواڑ کیلئے اسی طیارے سے روانہ ہوگئیں۔

ایک نظر اس پر بھی

گرام پنچایتوں کیلئے آئین کی نقل تقسیم: وزیر اعلیٰ بسواراج بومئی

وزیر اعلیٰ بسواراج بومئی نے کہا کہ ریاست کے تمام گرام پنچایتوں کی لائبریریوں میں آئین کی نقل کے ساتھ گرام پنچایت 73اور 74ویں ترمیم، پنچایت راج قوانین کی نقول بھی روانہ کرکے وہاں بھی آئین پر مبنی انتظامیہ فراہم کرنا حکومت کا مقصد ہے۔

ووٹر ڈاٹا چوری معاملہ: 4 بی بی ایم پی افسروں سمیت اب تک11افراد گرفتار

ووٹرلسٹوں میں مبینہ ہیراپھیری،چھیڑ چھاڑ اور چیلومے نامی ادارے کے کارکنوں کو سرکاری عہدیداروں کا فرضی شناختی کارڈ دینے کے معاملے کی سختی سے جانچ کرتے ہوئے شہر کی پولیس نے اب تک اس کیس میں 11 افراد کو گرفتار کیا ہے -

بنگلورو: بی بی ایم پی بجٹ میں عوام کو شامل کرنے”مائی سٹی۔مائی بجٹ“ مہم

بروہت بنگلور مہا نگر پالیکے(بی بی ایم پی) بجٹ میں عوامی مشوروں کو شامل کرنے کے مقصد سے جنا گراہا نامی رضاکارانہ ادارے کی جانب سے ہر سال ”مائی سٹی۔مائی بجٹ“(اپنا شہر۔اپنا بجٹ) مہم چلائی جاتی ہے جس کے تحت بی بی ایم پی کے تمام وارڈز میں مہم کے دوران مقامی افراد سے مشورے حاصل کر کے ...

بیلگاوی کرناٹک میں رہے یامہاراشٹر میں کیافرق پڑنے والاہے: کمارسوامی

سابق وزیر اعلیٰ ایچ ڈی کمارسوامی نے بی جے پی کوشدیدتنقیدکانشانہ بناتے ہوئے کہاکہ یکساں سیول کوڈ نافذ کرنے جا رہے بی جے پی والو، کیا آپ یہ نہیں کہہ رہے کہ ہم سب ہندوستانی ہیں؟ اگر ایسا ہے تو بیلگام یہاں کرناٹک میں رہے یامہاراشٹر میں کیافرق پڑنے والاہے،ہم سب ہندوستانی ہیں؟

بیلگام: مدرسہ کی 4طالبات سیلفی لینےکے دوران ندی میں غرق؛ ایک کو بچالیا گیا

بیلگام سرحد سے متصل ، مہاراشٹرا کے کتواڑ فالس میں سیلفی لینے کے دوران مدرسہ میں زیر تعلیم  4طالبات توازن کھو کر غرق ہوگئیں  اور اپنی جان سے ہاتھ دھو بیٹھیں۔ واقعہ سنیچر کو پیش آیا۔ حادثے میں ایک طالبہ کو بچالیا گیا ہے، مگر اس کی حالت نازک بتائی گئی ہے۔

پونے : پھر گرم ہوا کرناٹکا - مہاراشٹرا سرحدی تنازعہ - کرناٹکا کی بسوں پر پوتا گیا کالا رنگ - مہاراشٹرا کی حمایت میں لکھے گئے نعرے

کرناٹکا اور مہاراشٹرا کے بیچ جو سرحدی تنازعہ ہے اس پر کرناٹکا کے وزیر اعلیٰ بسوا راج بومئی نے جو بیان دیا تھا اس کے خلاف مہاراشٹرا کے کئی علاقوں میں مراٹھا تنظیموں نے احتجاجی مظاہرے کیے ۔ اسی کے ساتھ  کے ایس آر ٹی سی  کی بین الریاستی بسوں پر بعض جگہ کالا رنگ پوتا گیا اور اس پر ...