گجرات کے موٹیرا میں دنیا کے سب سے بڑے کرکٹ میدان ’نریندر مودی اسٹیڈیم‘ کا افتتاح

Source: S.O. News Service | Published on 24th February 2021, 8:56 PM | ملکی خبریں | اسپورٹس |

احمد آباد،24؍فروری(ایس او نیوز؍ایجنسی) صدر رام ناتھ کووند نے آج دنیا کے سب سے بڑے کرکٹ اسٹیڈیم موٹیرا کے علاقے میں واقع جو اب ’نریندر مودی اسٹیڈیم‘ کے نام سے جانا جائے گا ، کا رسمی افتتاح اور قریب میں ہی تیار ہونے والے سردار ولبھ بھائی پٹیل اسپورٹس انکلیو کا بھومی پوجن کیا۔

اس موقع پر مرکزی وزیر داخلہ امت شاہ اور وزیر مملکت برائے کھیل کرن رجیجو بھی موجود تھے۔ آج سے ہندوستان اور انگلینڈ کے مابین موجودہ سیریز کا تیسرا ٹسٹ اسی اسٹیڈیم میں شروع ہوگا۔ 2016 میں جب اس اسٹیڈیم کو تعمیر نو کے لئے مسمار کیا گیا تھا، اس وقت اس میں 54000 شائقین کے بیٹھنے کی گنجائش تھی۔ اس کا نام سردار ولبھ بھائی پٹیل اسٹیڈیم رکھا گیا تھا۔ اب اس کا نام وزیر اعظم نریندر مودی کے نام پر رکھا گیا ہے، جو ماضی میں گجرات کرکٹ ایسوسی ایشن کے صدر بھی تھے۔ جنوری 2018 میں نئے کرکٹ اسٹیڈیم کا سنگ بنیاد رکھا گیا تھا۔ انگلینڈ اور ہندوستان کی ٹیمیں تیسرا اور چوتھا ٹسٹ میچ اور مجموعی طور پر 5 ٹی ٹوئنٹی میچ بھی کھیلے گی۔

دوسری جانب قریبی اسپورٹس انکلیوکو 233 ایکڑ کے رقبے میں پھیلایا جائے گا اور اس کے ساتھ ہی انڈور اسٹیڈیم بھی ہوگا جس میں 10000 سے زائد شائقین کے بیٹھنے کی گنجائش ہوگی۔ نریندر مودی اسٹیڈیم بھی اس انکلیو کا حصہ بن جائے گا۔

موٹیرا کا اسٹیڈیم 63 ایکڑ پر پھیلا ہوا ہے، جہاں بیٹھنے کی گنجائش 1.32 لاکھ ہے۔ اب تک ملبورن کا ایم سی جی (ملبورن کرکٹ گراؤنڈ) دنیا کا سب سے بڑا کرکٹ اسٹیڈیم تھا جہاں بیک وقت 90000 ناظرین کے بیٹھنے کی گنجائش ہے۔ گجرات میں دنیا کا سب سے بڑا مجسمہ’اسٹیچو آف یونٹی‘ کے بعد ریاست اب کرکٹ کی دنیا کے سب سے بڑے اسٹیڈیم کا ریکارڈ قائم کر رہی ہے۔

800 کروڑ روپے کی لاگت سے اس اسٹیڈیم کو لارسن اینڈ ٹوبرو (ایل اینڈ ٹی) کمپنی نے تیار کیا ہے جس نے اسٹیچو آف یونٹی کی تعمیر بھی کی تھی۔ یہ اسٹیڈیم 32 اولمپک سائز کے اسٹیڈیم کا سائز ہے۔ وزیر اعظم نریندر مودی کے اس ڈریم پروجیکٹ میں 76 کارپوریٹ باکسز، اولمپک سطح کے سوئمنگ پول، انڈور اکیڈمی، چار ڈریسنگ روم، فوڈ کورٹ اور جی سی اے کلب ہاؤس کو بھی شامل کیا گیا ہے۔

اسٹیڈیم میں چھ سرخ اور پانچ کالی مٹی کی مجموعی طور پر 11 پچز تیار کی گئیں ہیں۔ یہ پہلا اسٹیڈیم ہے جس نے مین اور پریکٹس پچوں کے لئے دونوں طرح کی مٹی کا استعمال کیا ہے۔ بارش ہونے کی صورت میں پچ صرف 30 منٹ میں خشک ہوسکتی ہے۔ جدید ترین ایل ای ڈی فلڈ لائٹ ماحول کو گرم نہیں کرے گی اور شائقین کے ساتھ ساتھ کرکٹرز کو بھی آرام ملے گا۔ اس اسٹیڈیم کی ایک خصوصیت یہ ہے کہ 9 میٹر کی بلندی پر 360 ڈگری پوڈیم کونکورس شائقین کی نقل و حرکت کو آسان بناتا ہے، ساتھ ہی کسی بھی اسٹینڈ سے دیکھنے والوں کو یکساں منظر پیش کرے گا۔

کارپوریٹ باکس میں 25 نشستوں کی گنجائش ہے۔ 150 ٹن ائیر کولنگ ٹاور اسٹیڈیم کے ’کلوزان‘ حصے کو ایئر کنڈیشنڈ رکھے گا۔ ضرورت کے مطابق دونوں ٹیموں کے کھلاڑیوں کے لئے بڑے ڈریسنگ روم بنائے گئے ہیں۔ دونوں ٹیموں کے لئے الگ الگ جدید ترین جیمز تعمیرکیے گئے ہیں۔ کھلاڑی اور وی آئی پی کے داخلی راستوں کے قریب ایک خصوصی لاؤنج بنایا گیا ہے۔ اسٹیڈیم میں واقع آٹوگراف گیلری میں اب تک آئی پی ایل اور ورلڈ کپ کھیل چکے کھلاڑیوں کے دستخط والے بلوں کی میوزیم (آٹو گراف بیٹ کلیکشن) توجہ کا مرکز ہوگا۔ دنیا کے مشہور کرکٹرز کی تصاویر والا ’ہال آف فیم‘ اسٹیڈیم کا ایک اور دلکش مقام ہے۔

اس اسٹیڈیم نے گزشتہ سال 24 فروری کو اس وقت کے امریکی صدر ڈونالڈ ٹرمپ کے دورہ ہندوستان کے دوران ’نمستے ٹرمپ‘ کے پروگرام کی میزبانی کی تھی، لیکن اس کا باقاعدہ افتتاح اس وقت تک نہیں کیا گیا تھا۔

ایک نظر اس پر بھی

سپریم کورٹ نے مرکزی حکومت سے سینٹرل وسٹا پروجیکٹ پر جواب طلب کیا

سپریم کورٹ نے ہزاروں کروڑ روپے کے سینٹرل وسٹا پروجیکٹ پر سوال اٹھانے والی عرضی پر پیر کو مرکزی حکومت سے جواب طلب کیا۔ جسٹس اے۔ ایم کھانولکر اور جسٹس سی ٹی روی کمار کی بنچ نے سماجی کارکن راجیو سوری کی درخواست پر مرکزی حکومت سے جواب طلب کیا ہے۔

جموں و کشمیر کو جلد ہی مکمل ریاست کا درجہ ملنا چاہیے:ادھیررنجن چودھری

کانگریس لیڈر ادھیر رنجن چودھری نے ہفتہ کو جموں و کشمیر میں سیاسی نظم و ضبط کی بحالی کا مطالبہ کیا اور جموں و کشمیر کو ریاست کا درجہ بحال کرنے کا مطالبہ کیا تاکہ جلد سے جلد اسمبلی انتخابات کرائے جا سکیں۔

اننیا پانڈے این سی بی کے سامنے پیش نہیں ہوئیں

بالی ووڈ اداکارہ اننیا پانڈے منشیات سے متعلق کیس میں گرفتار آرین خان کے ساتھ مبینہ واٹس ایپ چیٹ کے سلسلے میں پوچھ گچھ کے لیے پیر کو یہاں نارکوٹکس کنٹرول بیورو (این سی بی) کے سامنے پیش نہیں ہوئیں۔

ٹی-20 ورلڈ کپ: پاکستان نے ہندوستان کو 10 وکٹوں سے شکست دی

پاکستان نے اپنے اوپنرز کپتان بابر اعظم (ناٹ آؤٹ 68) اور محمد رضوان (ناٹ آؤٹ 79) کی شاندار نصف سنچریوں اور 152 رنوں کی ریکارڈ اوپننگ پارٹنرشپ کی مدد سے آئی سی سی ٹی-20 ورلڈ کپ میں ہندوستان کو یکطرفہ انداز میں 10 وکٹوں سے شکست دے کر ورلڈ کپ میں مسلسل پانچ میچوں میں شکست کھانے کا سلسلہ توڑ ...

ٹی۔ 20 ورلڈ کپ: جنوبی افریقہ کو پانچ وکٹوں سے شکست دے کر آسٹریلیا کا فاتحانہ آغاز

آسٹریلیا نے ہفتہ کے روز اپنے گیندبازوں کی شاندار کارکردگی کی بدولت یہاں ٹی 20 ورلڈ کپ 2021 کے افتتاحی میچ میں جنوبی افریقہ کو پانچ وکٹوں سے شکست دے کر پورے پوائنٹس حاصل کئے۔ آسٹریلیا نےجنوبی افریقہ کو گروپ 1 کے اس مقابلے میں نو وکٹوں پر 118 رن کے معمولی اسکور پر روکنے کے بعد 19.4 اوور ...

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...