زرعی بل: ہرسمرت کور کا استعفیٰ منظور، نریندر سنگھ تومر کو ملا اضافی چارج

Source: S.O. News Service | Published on 18th September 2020, 10:06 PM | ملکی خبریں | ان خبروں کو پڑھنا مت بھولئے |

نئی دہلی،18؍ستمبر (ایس او نیوز؍ایجنسی) صدر رام ناتھ کووند نے شرومنی اکالی دل (بادل) کی لیڈر ہرسمرت کور بادل کا مرکزی کابینہ سے استعفیٰ فوری طور پر قبول کر لیا ہے۔ فوڈ پروسیسنگ صنعت کی مرکزی وزیر ہرسمرت کور بادل نے زرعی بل پر اپنی ناراضگی ظاہر کرتے ہوئے گزشتہ روز مودی کابینہ سے استعفیٰ دے دیا تھا۔

آئین کے آرٹیکل 75 کی ذیلی دفعہ 2 کے تحت کووند نے مرکزی وزیر برائے فوڈ پروسیسنگ انڈسٹریز ہرسمرت کور بادل کا استعفیٰ قبول کیا۔ قبل ازیں وزیر اعظم نریندر مودی نے ان کا استعفیٰ منظور کرنے کی سفارش کی تھی۔ وزیراعظم کے مشورے پر کووند نے وزیر برائے زراعت نریندر سنگھ تومر کو مرکزی وزارت فوڈ پروسیسنگ انڈسٹریز کا چارج سونپا ہے۔ اب وہ وزارت زراعت کے ساتھ ساتھ وزارت برائے فوڈ پروسیسنگ انڈسٹریز کے کام بھی دیکھیں گے۔

قومی جمہوری اتحاد (این ڈی اے) کا دوسرا سب سے پرانا حلیف شرومنی اکالی دل (بادل) جمعرات کو کسانوں کے معاملہ پر بھارتیہ جنتا پارٹی (بی جے پی) کے زیر قیادت مرکزی حکومت سے باہر آگیا۔ لوک سبھامیں زرعی پیداوار تجارت (فروغ اور آسانیاں) بل 2020 اور زرعی (بااختیار اور تحفظ) قیمت اور زرعی خدمات پر بحث کے دوران ایس ڈی (بادل) کے رہنما سکھبیر سنگھ بادل نے ان بلوں کو کسان مخالف قراردیتے ہوئے حکومت چھوڑنے کا اعلان کردیا۔

بعد میں سکھبیر بادل کی اہلیہ اورفوڈ پروسیسنگ انڈسٹریز کی وزیر ہرسمرت کور بادل نے ٹویٹ کیا کہ انہوں نے اپنا استعفی وزیر اعظم نریندر مودی کو بھیج دیا ہے۔ انہوں نے کہا کہ وہ کسان مخالف بلوں پراحتجاج کرتے ہوئے مرکزی کابینہ سے استعفی دے رہی ہیں۔ انہوں نے کہا کہ انہیں فخر ہے کہ وہ بیٹی اور بہن کی حیثیت سے کسانوں کے ساتھ کھڑی ہیں۔

دونوں بلوں پر بحث میں حصہ لیتے ہوئے سکھبیر سنگھ بادل نے کہا کہ شرومنی اکالی دل کسانوں کی پارٹی ہے اور وہ زراعت سے متعلق ان بلوں کی مخالفت کرتی ہے۔ انہوں نے کانگریس کے ان الزامات کو مسترد کرتے ہوئے کہا کہ شرومنی اکالی دل نے کبھی بھی یو ٹرن نہیں لیا۔ انہوں نے کہا کہ ہم قومی جمہوری اتحاد کے حلیف ہیں۔ ہم نے حکومت کو کسانوں کے احساسات سے آگاہ کر دیا ہے۔ ہم نے ہر پلیٹ فارم پر اس مسئلہ کو اٹھایا اور کسانوں کی پریشانیوں کو دور کرنے کی کوشش کی لیکن ایسا نہیں ہوا۔

بادل نے کہا کہ پنجاب کے کسانوں نے ملک کو اناج کے معاملے میں خود کفیل بنانے میں نمایاں کردار ادا کیا ہے۔ پنجاب میں آنے والی حکومتوں نے زرعی انفراسٹرکچر کی تیاری کے لئے سخت محنت کی لیکن یہ آرڈیننس ان کی 50 سالہ ریاضت کو برباد کر دے گا۔

انہوں نے کہا کہ کسانوں کی پارٹی ہونے کے ناطے وہ کسی ایسی چیز کی حمایت نہیں کرسکتے جو ملک ، خاص طور پر پنجاب کے اناج فراہم کرنے والوں کے خلاف ہو۔ لہذا ، کسانوں کے مفادات کے تحفظ کے لئے ان کی پارٹی کوئی بھی قیمت ادا کرنے کو تیار ہے۔

وزیر اعظم کی سالگرہ کے موقع پر حکومت سے موجودہ سب سے پرانے این ڈی اے اتحادی کا باہر ہونا بی جے پی کے لئے ایک تلخ تجربہ رہا۔ اس سے قبل گزشتہ سال این ڈی اے کی سب سے قدیم حلیف شیو سینا نے مودی حکومت اور این ڈی اے دونوں کے ساتھ تعلقات توڑ لئے تھے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...