ہمیں سخت قدم اٹھانے پر مجبور نہ کریں, ججوں کے تبادلے کی منظوری میں تاخیر پر سپریم کورٹ نے مرکز کوکیا خبردار

Source: S.O. News Service | Published on 4th February 2023, 12:47 AM | ملکی خبریں |

نئی دہلی 3 فروری (ایس او نیوز) سپریم کورٹ نے جمعہ کو ہائی کورٹ کے ججوں کے تبادلے پر کالجیم کی سفارش کو منظور کرنے میں تاخیر پر مرکزی حکومت کو خبردار کرتے ہوئے کہا کہ اس کے نتیجے میں انتظامی اور عدالتی دونوں طرح کی کارروائی کی جا سکتی ہے، جو کہ خوش آئند بات نہیں ہوگی۔۔ جسٹس سنجے کشن کول اور جسٹس ابھے ایس۔ اوکا کی بنچ نے مرکزی حکومت کی نمائندگی کرنے والے اٹارنی جنرل آر کے۔ وینکٹ رامانی سے کہا، 'ہمیں کوئی ایسا موقف نہیں لینے دیں جو حکومت کے لئے تکلیف دہ ثابت ہو۔' عدالت نے کہا کہ ’’ججوں کے تبادلے کو التوا میں رکھنا ایک سنگین مسئلہ ہے‘‘۔

جسٹس کول نے مشاہدہ کیا کہ ٹرانسفر ایک بہت سنگین مسئلہ ہے اور اس عمل میں تیسرے فریق کی مداخلت کے خلاف خبردار کیا گیا۔ انہوں نے آٹارنی جنرل کو بتایا کہ کبھی کبھی حکومت اسے راتوں رات کرتی ہے اور کبھی اس میں وقت لگتا ہی چلا جاتا ہے۔ اس میں یکسانیت نہیں ہوتی ہے۔ عدالت نے کہا کہ چیف جسٹسوں کے تبادلے بھی زیر التوا ہیں۔ بنچ نے آٹارنی جنرل کو زبانی طور پر کہا کہ ہمیں ایک مشکل فیصلہ لینا ہوگا۔ ہمیں سخت موقف اختیار کرنے پر مجبور نہ کریں۔ سپریم کورٹ نے اصرار کیا، 'یہ ہوتا رہا ہے! لیکن ایسا کب تک ہوتا رہےگا؟ چیزیں برسوں سے نہیں ہو رہی ہیں۔

سماعت کے دوران درخواست گزار کی پیروی کرنے والے ایڈوکیٹ امیت پائی نے کہا کہ عدالت پر باہر سے حملہ کیا جا رہا ہے۔ جسٹس کول نے کہا، 'ہم اس کے عادی ہیں۔ یقین رکھیں کہ یہ ہمیں پریشان نہیں کرتا۔ یہ افسران جانتے ہیں کہ کہاں جانا ہے۔ بنچ نے معاملے کی اگلی سنوائی 13 فروری کو مقرر کی۔ آٹارنی جنرل نے کہا کہ سپریم کورٹ کے پانچ ججوں کی تقرری کے لیے کی گئی سفارشات کو جلد منظور کر لیا جائے گا۔

13 دسمبر 2022 کو سپریم کورٹ کے کالجیم نے جسٹس پنکج متل، سنجے کرول، پی وی۔ سنجے کمار، احسن الدین امان اللہ اور منوج مشرا کو سپریم کورٹ کے جج کے طور پر ترقی دینے کی سفارش کی تھی۔ اسی طرح، 31 جنوری کو، کالجیم نے الہ آباد ہائی کورٹ کے چیف جسٹس جسٹس راجیش بندل اور گجرات ہائی کورٹ کے چیف جسٹس اروند کمار کو سپریم کورٹ کے جج کے طور پر ترقی دینے کی بھی سفارش کی۔

سپریم کورٹ میں عدالتی تقرریوں کے لئے ڈیڈ لائن کی مبینہ طورپر خلاف ورزی کرنے کو لے کر مرکز کے خلاف ایڈوکیٹس اسوسی ایشن آف بینگلور کی طرف سے دائر ایک توہین عدالت کی درخواست پر سنوائی کی جارہی تھی اس سے پہلے سپریم کورٹ نے تقرریوں کےلئے کالجیم کی طرف سے بھیجے گئے ناموں پر مہر لگانے میں تاخیر کرنے پر ناراضگی جتائی تھی۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...