بھٹکل:7؍ستمبر(ایس اؤ نیوز) درگاپرمیشوری الویکوڑی ہال میں سنیچر کو شرالی زون ہائی اسکول سطح کے طلبا کے لئے درگاپرمیشوری الویکوڑی ،بی ای اؤ دفتر بھٹکل اور الویکوڑی ہائی اسکول  کے اشتراک سے منعقدہ پرتیبھا کارنجی ،ثقافتی پروگرام کاتعلقہ پنچایت ممبر مالتی دیواڑیگا کے ہاتھوں  افتتاح ہوا۔

افتتاح کے بعد خطاب کرتےہوئے انہوں نے کہاکہ طلبا موبائیل کی دنیا سے باہر نکل کر اپنی صلاحیتیوں اور قابلیتوں کی طرف توجہ دیں اور ترقی کی راہ پر گامز ن ہونےکی صلاح دی۔ہائی اسکول انتظامیہ بورڈ کے بانی صدر راماموگیر نے پروگرام کی صدارت کی۔ مندر انتظامیہ کے دھرم درشی تمپا موگیر نے مہمان خصوصی کی حیثیت سے شریک تھے۔ ہائی اسکول کے صدر مدرس کے بی مڈیوال نے استقبال کرتےہوئے افتتاحی کلمات پیش کئے ۔ استاد وی ٹی گبی منے نے شکریہ اداکیا۔ پرکاش پٹگار نے نظامت کی۔ بھاسکر موگیر، سنیتا ہیرورکر، آر ایس گونڈا وغیرہ ڈائس پر موجود تھے۔