پرتاپ گڑھ: آئی اے ایس افسر کے ساتھ فریب دہی، بی جے پی لیڈر سمیت دو ملزمان نامزد

Source: S.O. News Service | Published on 14th February 2020, 12:45 AM | ملکی خبریں |

پرتاپ گڑھ،13/فروری(ایس او نیوز/ایجنسی) اتر پردیش کے پرتاپ گڑھ میں بی جے پی لیڈر روی پرتاپ سنگھ پر فرضی کاغذات کی بنیاد پر قرض لینے کا الزام عائد ہوا ہے۔ پولیس نے روی پرتاپ سنگھ اور نیشنل کوآپریٹیو بینک منیجر کے خلاف نامزد مقدمہ درج کر لیا ہے۔ اطلاعات کے مطابق پرتاپ گڑھ ضلع کے تھانہ سٹی کوتوالی پولیس نے آئی اے ایس افسر کی آراضی کے فرضی دستاویز تیار کر کے قرض لینے کے معاملے میں بدھ کی شام بی جے پی لیڈر و نیشنل اربن کوآپریٹیو بینک کے سابق جنرل منیجر سمیت دو ملزمان کے خلاف فریب دہی کا مقدمہ درج کیا ہے۔

ایس ایچ او سریندر ناتھ نے بتایا کہ سول لائن واقع سٹی پیلس کے باشندے اکشے پرتاپ سنگھ کے بڑے بھائی ابھے پرتاپ سنگھ آئی اے ایس افسر ہیں۔ دونوں کے مشترکہ نام سے شہر میں کئی مقامات پر آراضی واقع ہے۔ ان کی آراضی کی نگرانی ان کے ماموں بی جے پی لیڈر روی پرتاپ سنگھ کرتے تھے۔

سول لائن میں روی سنگھ ٹائر کی دوکان چلاتے تھے، جس پر انہوں نے نیشنل اربن کوآپریٹیو بینک سے قرض لیا تھا جہاں دوکان کی گارنٹی کے نام پر 30 / نومبر 1998 کو مذکورہ بینک میں سی سی ایل کھاتہ کھلوایا تھا، اسی میں آراضی کی گارنٹی ہے۔ دوکان کے نام پر ایک کروڑ 62 لاکھ روپیہ بقایہ ہیں۔

آئی ایس افسر ابھے سنگھ کے مقام پر دوسرے کی تصویر لگا کر فرضی دستاویز تیار کر روی سنگھ نے قرض لیا تھا۔ یہ فریب دہی نیشنل کوآپریٹو بینک کے سابق جنرل منیجر کملا کانت تیواری کے تعاون سے کی گئی۔ اکشے پرتاپ سنگھ کی شکایت پر بی جے پی لیڈر روی پرتاپ سنگھ و بینک کے سابق جنرل منیجر کملا کانت تیواری کے خلاف فریب دہی کا کیس درج کر کے معاملہ کی تحقیقات کی جا رہی ہے۔

ایک نظر اس پر بھی

شاہین باغ: مظاہرین اور مذاکرات کاروں کی بات چیت بے نتیجہ،شہریت قانون واپس لینے تک ڈٹے رہنے کا عزم

شاہین باغ میں گزشتہ68 دنوں سے شہریت ترمیمی قانون، این آر سی و این پی آر کے خلاف جاری عالمی شہرت حاصل کر چکے دھرنا و مظاہرہ میں 19فروری کا دن بہت خاص رہا کیونکہ سپریم کورٹ کے ذریعہ مقرر کردہ مذاکرہ کار سنجے ہیگڈے اور سادھنا رام چندرن بات چیت کرنے پہنچے-

آسام: زبیدہ بیگم کے پاس15دستاویزات موجود شہریت ثابت کرنے میں پھر بھی ناکام!

پورے ہندوستان میں این آر سی لگائے جانے اور اس کے اثرات پر بحث جاری ہے- آسام میں این آر سی سے پیدا مشکلات کو سامنے رکھ کر لوگ پورے ملک میں این آر سی لگائے جانے کی مخالفت کر رہے ہیں - آسام میں کئی معاملے سامنے آ چکے ہیں جس میں برسوں سے وہاں رہ رہے لوگوں کو شہریت ثابت کرنے میں مشکل پیش ...

جس طرح سے سی وی سی کی تقرری ہوئی اس طرح تو چپراسی کی بھی تقرری نہیں ہو سکتی: کانگریس

کانگریس نے چیف ویجلنس کمشنر (سی وی سی) اور ویجلنس کمشنر (وی سی ) کی تقرری کو اداروں کو تباہ کرنے کی ایک اور مثال قرار دیتے ہوئے اسے غیر قانونی قرار دیا اور الزام لگایا کہ اس میں طریقہ کار پر عملدرآمد ہی نہیں کروایا گیا ہے۔

تملناڈو میں بس اور کنٹرینر ٹرک کے درمیان بھیانک ٹکر، 20 کی موت 24 زخمی

ضلع تریپور کے اویناشی میں  بس اور کنٹینر ٹرک کے درمیان ہوئی بھیانک ٹکر میں 20 لوگوں کی موت واقع ہوگئی جبکہ 24 لوگ شدید زخمی ہوگئے۔ حادثہ جمعرات کی اولین ساعتوں میں  اس وقت پیش آیا جب تیز رفتار کنٹرینر ٹرک کا ایک پہیہ پھٹ گیا جس کے نتیجے میں ٹرک بے قابو ہوکر تیز رفتاری کے ساتھ  ...