بہار: نتیش کے وزیر کی جگہ بھائی کے ہاتھوں سرکاری تقریب کا افتتاح، ایوان میں اپوزیشن کا ہنگامہ

Source: S.O. News Service | Published on 5th March 2021, 9:32 PM | ملکی خبریں |

پٹنہ،5؍مارچ (ایس او نیوز؍ایجنسی) بہار کے وزیر برائے مویشی پروری اور ماہی وسائل مکیش ساہنی کے مقام پر ایک سرکاری تقریب میں ان کے بھائی سنتوش ساہنی کے شرکت کرنے اور مستفدین کو دی جانے والی گاڑیوں کی چابی سونپے جانے کے معاملہ میں حزب اختلاف نے جمعہ کے روز اسمبلی میں زبردست ہنگامہ کیا۔ اسمبلی میں آر جے ڈی کے رہنما بھائی وریندر نے اپنے مقام پر بھائی کو سرکاری تقریب میں بھیجنے پر نشانہ لگایا اور وزیر اعلی نتیش کمار سے اس معاملے میں سنجیدگی کا مظاہرہ کرنے کا مطالبہ کیا۔

وزیر اعلی نتیش کمار نے معاملہ نوٹس میں آنے کے بعد حیرت کا اظہار کیا اور کہا کہ معاملہ بہت سنگین ہے، وزیر کا بھائی کسی سرکاری پروگرام کا افتتاح کیسے کر سکتا ہے! انہوں نے کہا کہ اس کی رپورٹ طلب کی جا رہی ہے اور جو بھی قصوروار ہوگا اس کے خلاف کارروائی کی جائے گی۔

یہ معاملہ ضلع ویشالی کے حاجی پور سے متعلق ہے، جہاں کے اکشے وٹ رائے اسٹیڈیم میں مویشی پروری اور ماہی گیری وسائل کے ذریعہ ماہی گیری کی مارکیٹنگ اسکیم کے تحت ماہی گیروں اور انتہائی پسماندہ ذات سے تعلق رکھنے والے ماہی گیروں کے لئے ایک گاڑی تقسیم کی تقریب کا انعقاد کیا تھا۔

جائے تقریب پر نصب بینر میں افتتاح کار کے طور پر محکمہ کے وزیر مکیش ساہنی کا نام لکھا ہوا تھا لیکن وزیر خود یہاں نہیں آئے اور ان کی جگہ ان کے بھائی سنتوش ساہنی وہاں پہنچ گیے۔ اس کے بعد وزیر کے بھائی سنتوش ساہنی نے سرکاری اہلکاروں کی موجودگی میں نہ صرف اس پروگرام کا افتتاح کیا، بلکہ مستفید افراد میں گاڑیاں بھی تقسیم کیں۔ جب اس موقع پر صحافیوں نے ان سے پوچھا تو انہوں نے کہا کہ وزیر کی مصروفیت کی وجہ سے وہ ان کے نمائندے کے طور پر حاضر ہوئے ہیں۔

معاملہ منظر عام پر آنے کے بعد ابھی تک وزیر مکیش ساہنی کا کوئی بیان سامنے نہیں آیا ہے لیکن اس معاملہ پر قانون ساز اسمبلی اور قانون ساز کونسل میں کافی ہنگامہ برپا ہوا۔ بجٹ اجلاس میں پہلے ہی حزب اختلاف کے حملوں کا شکار نتیش حکومت اس واقعے کے بعد پوری طرح بیک فٹ پر ہے۔ خود نتیش کمار اسمبلی میں جواب دیتے ہوئے بے چین نظر آئے۔ نتیش حکومت کی تحقیقات میں کیا ہوگا یہ تو وقت ہی بتائے گا لیکن اس واقعہ نے حکومت کی سبکی ضرور کرا دی ہے۔

ایک نظر اس پر بھی

ہانک کانگ نےہندوستان،پاکستان اور فلپائن کی پروازوں پر لگائی دو ہفتوں کی پابندی

کورونا وبا کےپھیلاؤ کےپیش نظر ہانگ کانگ نے فیصلہ کیا ہےکہ وہ اگلےدوہفتوں کےلئےہندوستان، پاکستان اور فلپائن سےآنےوالی پروازوں پر پابندی لگارہا ہے۔ہانگ کانگ نےان تین ممالک سےآنےوالی تمام پرواز یں معطل کر دی ہیں۔ہانک کانگ کےذمہ داران اس کی وجہ کووڈ19 کے ایشیائی ممالک میں ...

مدھیہ پردیش میں کووڈ کا قہر، 30 اپریل تک کورونا کرفیو کا نفاذ

مدھیہ پردیش میں حکومت کی تمام کوششوں کے باوجود کورونا کا قہرجاری ہے۔ ریاست میں کورونا کے ایکٹو مریضوں کی تعداد جہاں اڑسٹھ ہزار کو تجاوز کر گئی ہیں وہیں پچھلے چوبیس گھنٹےمیں ریاست میں کورونا کے بارہ ہزار دو سو اڑتالیس نئے معاملے درج کئے گئے ہیں ۔

کووڈ بحران سے نمٹنےکےلیے سابق وزیراعظم منموہن سنگھ نے وزیراعظم مودی کو دیئے یہ 5اہم مشورے

ہندوستان میں عالمی وبا کورونا وائرس کے مثبت معاملوں کی بڑھتی ہوئی تعداد کے بارے میں ہر حلقے سے تشویش کا اظہار کیاجارہا ہے۔ اسی ضمن میں ملک کے سابق وزیراعظم، کانگریس کے سینئر ترین رہنما اور معروف ماہر معاشیات ڈاکٹر منموہن سنگھ  نے وزیراعظم نریندر مودی کو کووڈ۔19 کے بحران سے ...

بہار میں15 مئی تک اسکول ، کالج اور تمام مذہبی مقامات بند ،رات کا کرفیو نافذ

ہار کے وزیراعلیٰ نتیش کمار نے ریاست میں کورونا کے تیزی سے بڑھ رہے معاملوں پر لاک ڈاﺅن کا اشارہ دیتے ہوئے باہر سے آنے والے لوگوں سے جلد سے جلد لوٹنے کی اپیل کرتے ہوئے آج کہاکہ وبا کی روک تھام کیلئے فی الحال ریاست میں ” رات کا کرفیو“ سرکاری دفاتر میں کام کی مدت کم کرنے ، سبھی ...