مظفرپور میں عصمت دری متاثرہ کو جلانے کا ایک اور واقعہ!

Source: S.O. News Service | Published on 10th December 2019, 8:52 PM | ملکی خبریں | ان خبروں کو پڑھنا مت بھولئے |

مظفرپور،10/دسمبر (ایس او نیوز/ایجنسی) بہار کے بکسر میں عصمت دری کے بعد جلائی گئی متاثرہ کی راکھ ابھی ٹھنڈی بھی نہیں ہوئی تھی کہ مظفرپورضلع میں آہیاپور تھانہ علاقے کے ناظرپور گاؤں میں ایسا ہی واقعہ پیش آیا ہے،جس میں پولس عدالت سے گرفتار کئے گئے اہم ملزم کو ریمانڈ پر لینے کی اپیل کرے گی۔

مظفر پور کے سینئر پولس سپرنٹنڈنٹ نے بتایا کہ ناظر پور گاؤں میں ہفتے کی رات 23سالہ متاثرہ کے ساتھ اس کی پڑوسی نے عصمت دری کرنے کی کوشش کی لیکن مزاحمت کرنے کی وجہ سے جب وہ اپنے مقصد میں کامیاب نہیں ہوا تو اس نے لڑکی کو زندہ جلا دیا۔انہوں نے بتایا کہ متاثرہ کا علاج مظفرپور کے سرکاری اسپتال میں چل رہا ہے اور اس کی حالت نازک بتائی جاتی ہے۔

جے کانت نے بتایا کہ اس معاملے میں پولس نے فوری طور پر کارروائی کرتے ہوئے اہم ملزم کو گرفتار کرکے اسے عدالتی حراست میں بھیج دیا ہے۔ انہوں نے بتایا کہ اس معاملے میں تفصیلی تحقیق اور پوچھ تاچھ کےلئے پولس عدالت سے ملزم کو پولس ریمانڈ پر سونپے جانے کی اپیل کرے گی۔

اس دوران پولس ذرائع نے بتایا کہ ناظرپور گاؤں میں ہفتے کی رات لڑکی کو گھر میں اکیلا دیکھ کر پڑوسی نے اس کی آبروریزی کرنے کی کوشش کی۔ مزاحمت کرنے پر اس نے لڑکی کو آگ کے حوالے کردیا۔ متاثرہ تقریباً 50 فیصد تک جل گئی ہے۔اسے مظفرپور کے سرکاری اسپتال کے آئی سی یو میں رکھا گیا ہے۔ ڈاکٹروں نے متاثرہ کی حالت کافی نازک بتائی ہے۔

وہیں، پرائمری ہیلتھ سینٹر میں تعینات متاثرہ کی ماں نے بتایا کہ ملزم پچھلے تین سال سے ان کی بیٹی کو پریشان کررہاتھا۔اس کے استحصال کی دھمکیوں سے پریشان ہوکر ان کی بیٹی نے کالج جانا بھی بند کردیاتھا۔ انہوں نے بتایا کہ متاثرہ ان کی سب سے چھوٹی بیٹی ہے۔جب ملزم گھر میں داخل ہوا تب وہ اکیلی تھی۔ متاثرہ کی ماں نے بتایا کہ عصمت دری کی کوشش میں ناکام رہنے پر ملزم نے ان کی بیٹی کو قتل کرنے کے ارادے سے اسے جلا دیا۔انہوں نے الزام لگایا کہ ملزم کے باپ کا علاقے میں کافی دبدبا ہے اور ان کے خاندان کو کافی دھمکیاں مل رہی ہیں۔

تلنگانہ کے حیدرآباد شہر میں ایک ویٹرنری ڈاکٹر کے ساتھ اجتماعی آبروریزی کے بعد اس کا قتل کرکے اسے جلانے کی خوف ناک واردات کی طرح ہی بہار کے بکسر میں بھی 3 دسمبر 2019 کو ایک نابالغ کے ساتھ عصمت دری کرنے کے بعد اسے گولی مارکر قتل کردیاگیا اور ثبوت مٹانے کے لئے پٹرول چھڑک کر اس کی لاش کو جلانے کا سنسنی خیز معاملہ سامنے آیا۔

بکسر ضلع کے ایٹاڑھی تھانہ علاقے کے کوکوڑھا گاؤں میں پچھلے منگل کی صبح بدھار سے نابالغ لڑکی کی آدھی جلی لاش پولس نے برآمد کی۔ گاؤں والوں کی اطلاع پر موقع پر پہنچی پولس نے لڑکی کی لاش برآمد کی۔لاش کو دیکھنے سے ایسا لگ رہا تھا کہ اسے گولی مارکر قتل کرنے کے بعد بدمعاشوں نے ثبوت مٹانے کےلئے اس کی لاش کو پٹرول ڈال کر جلانے کی بھی کوشش کی ہے۔ جائے وقوع پر پہنچی پولس نے ادھجلی لاش کو پوسٹ مارٹم کےلئے بھیجا۔

اس دوران لاش کا پوسٹ مارٹم کرنے والے صدر اسپتال کے ڈاکٹر بی این چوبے نے رپورٹ پولس کو سونپ دی ہے۔پوسٹ مارٹم رپورٹ میں اس کی تصدیق کی گئی ہے کہ پہلے نابالغ لڑکی کے ساتھ عصمت دری کی گئی اور اس کے بعد اس کا قتل کیاگیا۔

ایک نظر اس پر بھی

ملک میں کورونا سے 95542 افراد ہلاک، متاثرین کی تعداد 60.74 لاکھ

 ملک میں گزشتہ 24 گھنٹے کے دوران متاثرہ افراد کے 82 ہزار سے زیادہ نئے معاملے سامنے آنے سے متاثرین کی تعداد 60.74 لاکھ سے تجاوز کر چکی ہے جبکہ کورونا کے انفیکشن سے 74 ہزار سے زائد افراد صحت مند ہوچکے ہیں جس کے نتیجے میں صحت مند افراد کی تعداد 50.16 لاکھ ہوگئی ہے۔

بہار اسمبلی انتخابات میں ٹکٹ کے لئے بی جے پی کے دفتر میں ہنگامہ

بہار اسمبلی انتخابات کی تاریخوں کے اعلان کے بعد سے ٹکٹ کے دعویداروں کی سرگرمیاں اس قدر بڑھ گئی ہیں کہ ان کے حامی کارکنان ہنگامہ آرائی اور ہاتھاپائی کرنے تک آمادہ ہیں اور کل ایسا ہی نظارہ بھارتیہ جنتا پارٹی (بی جے پی) کے ریاستی دفتر میں دیکھا گیا۔

بالاسبرامنیم اس ملک کے موسیقی اورلسانی ثقافت کی ایک عمدہ مثال تھے: سونیا گاندھی

کانگریس  کی  چیئرپرسن سونیا گاندھی نے موسیقی کی دنیا کی ایک عظیم ہستی بالاسبرامنیم کے انتقال پراپنے گہرے رنج  وغم  کا اظہار کرتےہوئے کہا ہے کہ وہ ملک کی  موسیقی اور لسانی  ثقافت کے عمدہ مثال تھے اور ان کے نہیں رہنے  سے آرٹ اور کلچرل کی دنیا پھیکی پڑگئی ہے۔

منشیات مخالف مہم: منگلورو میں ڈانسر کشور کا ایک او رساتھی گرفتار 

ریاست میں   اینٹی نارکوٹکس ڈپارٹمنٹ اور پولیس کی طرف سے چلائی جا رہی منشیات مخالف مہم کے دوران منگلورو پولیس  کی سٹی کرائم برانچ نے مشہور ڈانسر  اور فلم ایکٹرکشور شیٹی ، اس کے ساتھی امن شیٹی اور عقیل نوشیل کو ایم ڈی ایم  جیسی نشہ آور اشیاء کے استعمال اور ان کی فروخت کے سلسلے ...

28ستمبر کو کرناٹکا بند کے پس منظر میں ایس ایس ایل سی سپلمنٹری امتحان کیا گیا ملتوی

کرناٹکا ہائی اسکول اکزامنیشن بورڈ کی طرف سے جاری کیے گئے اعلامیہ کے مطابق ایس ایس ایل سی کا جو سپلمنٹری امتحان  28ستمبر کو منعقد ہونے والا تھا اسے کسانوں کے احتجاجی بند کے پیش نظر ملتوی کردیا گیا ہے۔