بھٹکل 29/مئی (ایس او نیوز) تعلقہ کے مُنڈلی نستار سمندرکنارے سے ریت تھیلوں میں بھرکر گڈس آٹو رکشہ پر لاد کر لے جانے کے دوران بھٹکل پولس اور محکمہ محصولات کی ٹیم نے چھاپہ ماردیا، جس کے دوران بتایا گیا ہے کہ آٹو ڈرائیور فرار ہوگیا، البتہ پولس نے رکشہ کو ضبط کرلیا۔واردات جمعہ کو پیش آئی۔
خبر ملی ہے کہ مُنڈلی کے عوام نے اعلیٰ حکام سے شکایت کی تھی کہ مقامی پولس اور محکمہ محصولات کے آفسران کی ملی بھگت سے یہاں مُنڈلی نستار سمندرکنارے سے غیر قانونی طور پر ریت نکال کر فروخت کی جارہی ہے، جس پر اعلیٰ حکام نے کاروائی کی اور فوری طور پر گڈس آٹو کو ضبط کرلیا گیا۔
اس تعلق سے بھٹکل مضافاتی پولس تھانہ میں کیس درج کیا گیا ہے ۔