شیموگہ، 11؍مئی (ایس او نیوز) نئے لاک ڈاؤن قوانین پر سختی سے عمل کیا جارہا ہے۔ ضلع کے سرحدی علاقوں پر مکمل ناکہ بندی کردی گئی ہے اور باہر آنے والی گاڑیوں کی جانچ کے بعد ہی داخل ہونے دیا جارہا ہے ۔ بلاوجہ گھومنے والوں کی گاڑیاں ضبط کر لی گئی ہیں۔ اب تک سینکڑوں گاڑیاں ضبط کر لی گئی ہیں، جن میں کار اور آٹو رکشا شامل ہیں۔ ترکاری اور دیگر ضروری اشیا کی خرید فروخت کے لئے صبح 6 تا 10 بجے اجازت دی گئی ہے۔ لوگوں کو پرائیویٹ وہیکلس میں پھر نے کی بالکل اجازت نہیں ہے۔ میڈیسن ، سبزیاں اور دیگر ضروری اشیا کی خریداری کی اپنے محلوں میں اجازت دی گئی ہے۔ خریداری کے لئے ایک محلہ سے دوسرے محلہ کو جانے کی اجازت نہیں ہے۔
سپرنٹنڈ نٹ آف پولیس لکشمی پرساد کے مطابق بلاوجہ گھومنے سے گریز کریں، بلاوجہ گھومنے والوں کی گاڑیاں ضبط کی گئی تو 14 دن بعد ہی واپس لوٹائی جائیں گی۔ سبزیاں ، میڈیسن کی خریداری اپنے گھروں کے قریب موجود دکانوں میں ہی کریں ۔ گاڑیوں میں آنے جانے کی اجازت نہیں رہے گی۔
شیموگہ سٹی میں 31 اور ضلع بھر میں 76 چک پوسٹ قائم کئے گئے ہیں۔ آنے جانے والی ہر گاڑی کی جانچ کی جارہی ہے۔ ضلع انتظامیہ اور دیگر سرکاری محکمہ کی جانب سے دیا گیا شناختی کارڈ کو قبول کیا جائے گا۔ اگر پاس نہ تو ان گاڑیوں کو ضبط کر لیا جائے گا۔
لاک ڈاؤن کی دوسری مرتبہ خلاف ورزی کرنے والوں پر ایف آئی آر درج کیا جائے گا اور گرفتار بھی کیا جائے گا۔ جگہ پولیس اہلکاروں کو تعینات کیا گیا ہے۔