ٹریکٹر پریڈ کو منظوری: ’آج تک کسی نے ایسی پریڈ نہ نکالی ہوگی، نہ دیکھی ہوگی‘ کسانوں کا دعویٰ

Source: S.O. News Service | Published on 24th January 2021, 1:05 PM | ملکی خبریں |

نئی دہلی،24؍جنوری(ایس او نیوز؍یو این آئی) ویسےتو کسانوں نے ٹریکٹر پریڈ کےلئے نہ صرف ذہن بنا لیا تھا بلکہ پوری تیاری بھی کر لی تھی اور بڑی تعداد میں گزشتہ تین چار روز سےاپنے ٹریکٹر لے کرکسان دہلی کی طرف روانہ ہو رہے ہیں لیکن کل ہریانہ ، دہلی اور اترپردیش کی پولیس نے دانشمندی کا مظاہرہ کرتے ہوئے 26 جنوری کے لئے کسانوں کو دہلی میں ٹریکٹر پریڈ کی منظوری دے دی ۔ منظوری ملتی یا نہ ملتی کسانوں نے اپنی پریڈ کا ذہن بنا لیا تھا بس اس منظوری سے تشدد کے امکانات کم ہو گئے ہیں۔

یہ اطلاع کل شام منعقدہ کسان سنیکت مورچہ کے اجلاس میں دی گئی۔ اس میٹنگ میں رضاکاروں سے لے کر کھانے پینے کے انتظامات پر تبادلہ خیال کیا گیا۔ کسانوں نے دعوی کیا ہے کہ آج تک کسی نے بھی عالمی سطح پر اس طرح کی پریڈ نہ تو نکالی ہوگی اور نہ ہی دیکھی ہوگی۔

انہوں نے بتایا کہ دہلی ، ہریانہ اور اتر پردیش پولیس نے بھی ہر سطح پر مدد کی یقین دہانی کرائی ہے تاکہ کوئی پریشانی نہ ہو۔ وقت اور جگہ کے بارے میں کسان رہنماؤں کا کہنا تھا کہ پریڈ اس وقت تک جاری رہے گی جب تک کہ ہر ٹریکٹر پریڈ کے راستے سے اپنے دھرنے تک نہیں آجاتا ہے۔ یہ 24 گھنٹے سے 72 گھنٹے تک بھی ہوسکتا ہے۔ جہاں تک روٹ کا سوال ہے وہ اتوار کو بتایا جائے گا۔

یہ فیصلہ کیا گیا ہے کہ ہر سرحد کے لئے الگ راستہ بنانے کا منصوبہ ہے۔ چونکہ جتنی تعداد میں کسان پہنچ رہے ہیں، اس میں ایک ہی راستے پر پوری پریڈ نکالنا ممکن نہیں ہے۔ ایسی صورت میں جتھہ بندیوں نے فیصلہ کیا ہے کہ پانچ راستوں کے لئے مختلف منصوبے بنائے گئے ہیں۔ کسان رہنما یوگیندر یادو ، ڈاکٹر درشن پال ، گرنام سنگھ چڈھونی وغیرہ نے بتایا کہ کنڈلی بارڈر کے لئے روٹ مختلف ہوگا ، ٹکری کے لئے الگ ، غازی پور ، شاہجہاں پور اور پلول کے دھرنے کے لئے الگ روٹ طے کیا گیا ہے۔ فی الحال روٹ پلان جلد ہی شیئر کیا جائے گا۔

اس سے قبل کسان رہنماؤں اور تینوں ریاستوں ہریانہ ، اتر پردیش اور دہلی پولیس کے اعلی عہدیداروں کے درمیان بات چیت کا پانچواں دور ہوا۔ اس کے بعد پریڈ کے راستے پر دونوں فریقوں نے اتفاق کیا ہے۔ کسان رہنماؤں نے کہا کہ یہ کسان تحریک کے لئے ایک بڑی جیت ہے۔ ادھر نیتا جی سبھاش چندر بوس کی سالگرہ 'آزاد ہند کسان دیوس' کے نام سے پورے ملک میں منائی گئی۔ مختلف مقامات پر مظاہرے کئے گئے۔ انہوں نے بتایا کہ پورے ملک سے کسانوں اور مزدوروں کا دہلی آنا جارہی ہے۔

ایک نظر اس پر بھی

ہماچل: نابالغ کے ٹرانسپورٹ ضابطہ توڑنے پر گاڑی مالک کو ہوگی 3 سال کی جیل

 ہماچل پردیش میں اب نابالغ کی جانب سے ٹرانسپورٹ ضابطے کی خلاف ورزی پر گارجین یا گاڑی مالک کو مجرم مانا جائے گا اور انھیں 25 ہزار روپیے کے جرمانے کے ساتھ تین سال کی سزا ہو سکتی ہے۔ نابالغ پر زیبونائل جسٹس ایکٹ کے تحت مقدمہ ہوگا اور متعلقہ گاڑی کا رجسٹریشن بھی مسترد ہوگا۔

مودی حکومت کی کھرب پتیوں کے لیے بیٹنگ، عوام کمر توڑ مہنگائی سے دو چار، پرینکا گاندھی کا کرکٹ کی زبان میں حملہ

 گجرات میں واقع موٹیرا کرکٹ گراؤنڈ کا نام نریندر مودی اسٹیڈیم رکھے جانے کے ایک دن بعد گھریلو گیس سلنڈر کے داموں میں اضافہ ہونے پر کانگریس کی جنرل سکریٹری پرینکا گاندھی نے مودی حکومت پر کرکٹ کی زبان میں حملہ بولا ہے۔

بی جے پی سرکار ٹیکس پر ٹیکس لگا کر لوگوں کو خوف زدہ کر رہی ہے: غلام احمد میر

جموں و کشمیر پردیش کانگریس کمیٹی کے صدر غلام احمد میر کا الزام ہے کہ بی جے پی سرکار ٹیکس پر ٹیکس لگا کر لوگوں کو خوف زدہ کر رہی ہے۔ انہوں نے کہا کہ حکومت لوگوں کو بنیادی سہولیات فراہم کرنے کے بجائے غریبوں کے جیب کاٹ کر امبانی اور اڈانی کے جیب گرم کر رہی ہے۔