26جنوری کو ٹریکٹر مارچ، پولیس کا دعویٰ، کسانوں سے3 روٹ پر اتفاق، ملک دشمن عناصر کے نقضِ امن کا خدشہ

Source: S.O. News Service | Published on 25th January 2021, 8:21 PM | ملکی خبریں |

نئی دہلی، 25جنوری (آئی این ایس انڈیا)  زرعی قوانین کیخلاف کسان تحریک کا آج 61 واں دن ہے۔ دہلی میں یوم جمہوریہ کے موقع پر کسان پہلی بار ٹریکٹر پریڈ کریں گے، کیوں کہ کئی ملاقات کے بعد دہلی پولیس نے کسانوں کو پریڈ کی اجازت دے دی ہے، تاہم پریڈ کے روٹ پر تجسس برقرار ہے، پولیس اور کسانوں کے اس پر مختلف دعوے بھی ہیں۔

دہلی پولیس کمشنر ایس این سریواستو نے پیر کو کہا کہ کسان رہنماؤں سے بات چیت کے بعد ٹریکٹر مارچ کیلئے 3 ر وٹ پر اتفاق کرلیا گیا ہے، ہم نے روٹس کا بھی دورہ کیا، لیکن ہم کچھ ملک دشمن عناصر کے تئیں محتاط ہیں جو نقض امن پیدا کرسکتے ہیں۔ دہلی پولیس کا کہنا تھا کہ ٹریکٹر مارچ میں سرحد پار سے  مداخلت پیدا کی جاسکتی ہے۔ اس سے قبل کسان مزدور سنگھرش سمیتی کے رہنما ایس ایس پنڈھیر نے کہا کہ پولیس نے ہمارے لئے وہ روٹ نہیں دیا، جسے ہم نے طے کیا تھا۔ کل رات جب ہمیں اس کا علم ہوا تو ہماری کمیٹی نے اس پر تبادلہ خیال کیا۔ ہم آج شام تک اپنا رو ٹ بتا ئیں گے، ہم نے دہلی پولیس کے عہدیداروں سے ایک بار پھر اپیل کی، لیکن کوئی درمیانی حل نہیں مل سکا۔ ہم نے ان سے اپنے سینئرز سے بات کرنے کی اپیل بھی کی کہ اگر وہ ہمارے طے شدہ روٹ پر راضی ہوجائیں تو بہتر ہوتا، ہم پریڈ اسی راستے پر کریں گے جس کا ہم نے فیصلہ کیا ہے۔

خیال رہے کہ26 جنوری کو دہلی میں ہونے والی ٹریکٹر مارچ میں شرکت کے لئے ملک بھر سے کسان دہلی پہنچ رہے ہیں۔ دہلی پولیس کے خصوصی کمشنرپاٹھک نے بتایا کہ مشترکہ کسان مورچہ کو سنگھو اور ٹکری سے تقریبا 64 کلومیٹر اور غازی پوربارڈ سے 46 کلومیٹر دورمارچ کی اجازت دی گئی ہے۔ کسان مزدور سنگھرش سمیتی کے رہنما سکھویندر سنگھ نے کہا کہ ہمیں لگتا ہے کہ جس طرح ٹریکٹر ریلی کی اجازت دی گئی ہے، وہ ٹھیک نہیں ہے۔ ہم اولڈ رنگ روڈ پر مارچ نکالنا چاہتے ہیں، لیکن ہمیں ان علاقوں سے مشروط اجازت ملی ہے، جو ہریانہ میں پڑتا ہے،ہم پولیس سے بات کریں گے اور فیصلہ کریں گے کہ آخر کس روٹ سے ریلی نکالی جائے گی۔ کسان تنظیموں نے دعویٰ کیا ہے کہ دہلی میں کسان پریڈ میں تقریبا 2 لاکھ ٹریکٹرہوں گے۔ پنجاب، ہریانہ، راجستھان اور یوپی سمیت دیگر ریاستوں کے کسان دہلی پہنچ رہے ہیں۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...