تیجسوی سوریا کی حرکت کے بعد، بنگلور شہر میں مسلم نوجوانوں کے تئیں پولیس کے تیور میں سختی

Source: S.O. News Service | Published on 9th May 2021, 12:45 PM | ریاستی خبریں |

بنگلورو9؍مئی(ایس او  نیوز)بنگلورو ساؤتھ کے رکن پارلیمان تیجسوی سوریا نے حا ل ہی میں بی بی ایم پی کی طرف سے کورونا متاثرین کی رہنمائی کے لئے قائم بنگلورو ساؤتھ وار روم میں داخل ہو کر ہنگامہ کھڑا کیا اور اس دوران جس طرح 17مسلم نوجوانوں کی نشاندہی کرتے ہوئے ان کو اس انداز میں پیش کرنے کی کوشش کی کہ سارا گھپلہ انہیں نوجوانوں نے کیا ہو۔

اس کے بعدشہر کی مختلف کمپنیوں میں کام کرنے والے مسلم ملازمین کو شبہ کی نظرسے دیکھنے کا سلسلہ شدت اختیار کرتا جا رہا ہے اور مسلم نوجوانوں کو ہراساں کرنے کے معاملہ میں تیجسوی سوریا کی حرکت کے بعد بنگلورو پولیس نے بھی اپنے تیور الگ ہی کر لیے ہیں۔جنتا کرفیو کے لاک ڈاؤن میں بدلنے سے پہلے ہی پولیس جوانوں کی طرف سے جہاں گاڑیوں کو روکا جا رہا ہے، وہاں اگرگاڑی چلانے والا اپنی شناخت ظاہر کرے اور وہ مسلم ہے تو اس کو بے وجہ ہراساں کرنے کی کوشش کی جا رہی ہے۔

پولیس کے اس طرح کے رویہ کا ثبوت جمعہ کے روز شہر کے بوم سندرا میں پیش آیاواقعہ ہے۔ دودھ کی فیکٹری میں کام کرنے والے ایک ملازم کو بیٹ پولیس جوانوں نے روکا، پہلے اس کو پکڑ لیا اور بعد میں اس کی گاڑی ضبط کرنے کی کوشش کی۔ اس مرحلہ پر جب اس نوجوان صادق پاشاہ(نام تبدیل) نے اپنی کمپنی سے رابطہ کیا تو کمپنی سے پولیس والوں کو بتایا گیا کہ وہ کمپنی کا ڈیلیوری بوائے ہے، چونکہ دودھ کی فراہمی پر لاک ڈاؤن میں کوئی روک نہیں، ا س لئے وہ دودھ لے جا رہا تھا۔ اس کے باوجود اس نوجوانوں کوتھانے لے جایا گیا، وہاں بھی سب انسپکٹر نے اس کے ساتھ نسلی امتیاز کا سلوک کیا اور کمپنی کی طرف سے اس کا نام بتائے جانے پر بار بار اس کا نام دریافت کر کے اس کے سامنے دہشت کا ماحول برپا کرنے کی کوشش کی۔ اس کمپنی میں 500ملاز م ہیں، جن میں سے30 مسلمان ہیں۔ تمام کے تمام معاشی پسماندہ پس منظر سے آتے ہیں۔ اس نوجوان کے ساتھ پولیس کے سلوک کی خبر جیسے ہی واٹس ایپ کے ذریعے پھیل گئی ڈی سی پی نے انسپکٹر کو فون کیا اورمعاملہ کی تفصیل طلب کی اور ایس آئی کو آڑے ہاتھوں لینے کے بعد اس نوجوان کو جانے دیا گیا اوراس کی گاڑی بھی لوٹادی۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔