سوشانت سنگھ کیس: ایف آئی آر کے بعد سے ریا چکروتی غائب! لُک آؤٹ نوٹس ہو سکتا ہے جاری

Source: S.O. News Service | Published on 1st August 2020, 10:13 PM | ملکی خبریں |

پٹنہ،یکم اگست (ایس او نیوز؍ایجنسی) بالی ووڈ اداکار سوشانت سنگھ راجپوت کی موت معاملہ میں ان کی گرل فرینڈ ریا چکرورتی کی مشکلیں بڑھتی ہوئی نظر آ رہی ہیں۔ میڈیا رپورٹس کے مطابق ایف آئی آر درج ہونے کے بعد سے ہی ریا چکرورتی اپنے گھر سے غائب ہیں۔ بہار پولس لگاتار ان سے رابطہ کرنے کی کوشش کر رہی ہے لیکن ریا کا موبائل بھی کئی دنوں سے بند پڑا ہے۔ اب خبر یہ سامنے آ رہی ہے کہ اس تعلق سے بہار پولس ریا چکرورتی کے خلاف لُک آؤٹ نوٹس جاری کر سکتی ہے۔ بتایا جا رہا ہے کہ پولس پہلے ریا کو تعزیرات ہند کی دفعہ 161 کے تحت نوٹس دے گی اور اس کے ساتھ انھیں کچھ سوال بھی بھیجے جائیں گے۔ پولس نے پوچھ تاچھ کے لیے سوالوں کی فہرست تیار کر لی ہے۔

اُدھر ایک نجی چینل سے بات کرتے ہوئے بہار کے وزیر اعلیٰ نتیش کمار نے کہا ہے کہ اگر سوشانت سنگھ کے والد کے کے سنگھ کہیں گے تو سی بی آئی جانچ ممکن ہے۔ انھوں نے کہا کہ سینئر ایڈووکیٹ کو اس کام میں لگایا گیا ہے اور پولس جانچ کر رہی ہے۔ اگر وہ کہیں گے تو ریاستی حکومت آگے ایکشن لے گی۔ اس میں دو ریاستوں کےد رمیان جھگڑے کی کوئی بات نہیں ہے۔ اس کے علاوہ خبر رساں ادارہ اے این آئی اے نے اپنے ذرائع کے حوالے سے بتایا کہ پٹنہ پولس اب سوشانت کی آخری فلم 'دل بے چارہ' تک سے جڑے سبھی لوگوں سے پوچھ تاچھ کرنے جا رہی ہے۔ پٹنہ پولس کی ٹیم فلم کے ان لوگوں سے بات کرے گی جو اس کو بنانے کے دوران سوشانت کے آس پاس رہے تھے۔ قابل ذکر ہے کہ پولس اس فلم کے ڈائریکٹر مکیش چھابڑا سے پوچھ تاچھ کر چکی ہے۔

ایک نظر اس پر بھی

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

اب وزیر اعلیٰ پینارائی وجین کی بیٹی کے خلاف ای ڈی نے درج کیا مقدمہ، جلد پوچھ تاچھ کا امکان

ایک طرف لوک سبھا انتخاب کی سرگرمیاں جاری ہیں، اور دوسری طرف مرکزی تفتیشی ایجنسیوں کے ذریعہ اپوزیشن لیڈران و ان کے رشتہ داروں کو بھیجے جانے والے سمن و پوچھ تاچھ سرخیاں بن رہی ہیں۔ ابھی دہلی کے وزیر اعلیٰ اروند کیجریوال کی گرفتاری پر ہنگامہ جاری ہے اور کے. کویتا بھی حراست میں ...

لوک سبھا انتخاب 2024: کانگریس نے امیدواروں کی آٹھویں فہرست جاری کی، 14 امیدواروں کے نام شامل

کانگریس نےلوک سبھا انتخاب کے پیش نظر اپنے امیدواروں کی آٹھویں فہرست جاری کر دی۔ اس فہرست میں کانگریس نے 14 امیدواروں کا اعلان کیا ہے جن کا تعلق اتر پردیش، تلنگانہ، مدھیہ پردیش اور جھارکھنڈ سے ہے۔ فہرست کے مطابق اتر پردیش و تلنگانہ کی 4-4 اور مدھیہ پردیش و جھارکھنڈ کی 3-3 لوک سبھا ...

پنجاب: ’بی جے پی میں شمولیت کے لیے پیسے کی پیشکش کی گئی‘، عآپ کے 3 اراکین اسمبلی کا دعویٰ

نجاب سے عام آدمی پارٹی (عآپ) کے تین اراکین اسمبلی نے بدھ کے روز دعویٰ کیا کہ انھیں بی جے پی میں شامل ہونے کے لیے پیسے دینے کی پیشکش کی گئی تھی۔ پنجاب سے عآپ کے واحد لوک سبھا رکن اور ایک رکن اسمبلی نے بدھ کے روز بی جے پی میں شمولیت اختیار کر لی، اس کے بعد عآپ کے ان تین اراکین ...