منگلورو30/جون (ایس او نیوز) سٹی پولیس کے افسران نے 19مجرمانہ معاملات میں ملزم ایک شخص کو گرفتار کرلیا ہے جو گزشتہ ایک سال سے مفرور تھا اور پولیس اسے تلاش کرنے میں مصروف تھی۔

گرفتارشدہ ملزم کانام حارث عرف چاندو حارث عرف چاندو (26سال) بتایاجاتا ہے۔ پانمبور، سورتکل، برکے اور منگلورو نارتھ پولیس اسٹیشن کی حدود میں قتل اور ڈکیتی کے معاملات میں حارث کے خلاف عدالت نے کی طرف سے وارنٹس جاری ہوئے تھے مگر ملزم ہاتھ نہیں آرہا تھا۔مصدقہ اطلاع کی بنیاد پر منگلورو پولیس کمشنرسندیپ پاٹل کی نگرانی میں کارروائی کرتے ہوئے پولیس افسران کی ٹیم نے 29جون کوکسابا بینگرے کے علاقے سے حارث کو گرفتار کرلیا۔