سداپور24/ستمبر (ایس او نیوز) سداپور پولیس نے دو سال قبل موٹر بائک چوری کی واردات کا معاملہ حل کرتے ہوئے نہ صرف بائک چورکو گرفتار کرلیا ہے،بلکہ چوری کی گئی 2اینفیلڈ موٹر بائکس بھی ضبط کرلی ہے۔
سداپورپولیس نے بتایا ہے کہ مسروقہ بائکس کے ساتھ گرفتار ہونے والے بائک چور کا نام محمد سجاد محمد یونس ہے جو کہ بدریہ کالونی بھٹکل کا رہنے والا ہے۔ بتایاجاتا ہے کہ 2017میں شہر کے وجیا بینک کے روبرو کھڑی کی گئی رجسٹریشن نمبر کے اے30ایچ 4895 والی رایل اینفیلڈ موٹربائک چوری ہوگئی تھی۔ اس ضمن میں پولیس اسٹیشن میں کیس درج کیا گیا تھا۔مگر ملزم 2سال سے لاپتہ ہوگیاتھا۔ اب مصدقہ اطلاع پر ڈی وائی ایس پی جی ٹی نائک اورسرسی کے سرکل انسپکٹر بی گریش کی رہنمائی میں سداپور پی ایس آئی منجو ناتھ نے کارروائی کی اور ملزم کو بائک سمیت گرفتار کرلیا۔ اس کارروائی میں دیگر پولیس عملے نے بھی حصہ لیا۔