بنگلورو، 18؍ستمبر(ایس او  نیوز)گذشتہ ایک ماہ کے دوران شہر کے مختلف مقامات پر کارروائی کرتے ہوئے بنگلورو پولیس نے موبائل فون چوری کرنے والے105ملزمین کو گرفتار کرلیا ہے اور ان کے قبضہ سے86لاکھ روپئے مالیت کے مختلف کمپنیوں کے928 موبائل فون ضبط کرلئے ہیں۔

ذرائع سے ملی اطلاع کے مطابق سنٹرل ڈویژن پو لیس نے 30ملزمین کو گرفتار کر کے ان کے قبضہ سے121موبائل فون، ویسٹ ڈویژن پولیس نے30ملزمین کو گرفتارکرکے 334موبائل فون، ساوتھ ڈویژن پولیس نے33ملزمین کو گرفتار کر کے 342موبائل فون اور نارتھ ڈویژن پولیس نے12ملزمین کوگرفتار کرکے 131موبائل فون ضبط کئے ہیں۔

ذرائع کے مطابق شہر میں موبائل فون کی چوری کے بڑھتے معاملات کو سنجیدگی کے ساتھ لیتے ہو ئے پولیس کمشنر پرتاپ ریڈی نے شہر کے تمام پو لیس ڈویژنوں کے پو لیس افسران کو ملزمین کی فوری گرفتاری کے لئے اقدامات کرنے کی ہدایت دی تھی۔جس کے بعد شہر کے چاروں ڈویژنوں کی پو لیس نے فوری کارروائی کر تے ہو ئے 105ملزمین کو گرفتار کرلیا اور ان کے قبضہ سے مختلف کمپنیوں کے928موبائل فون ضبط کرنے میں کامیاب ہوگئیں۔

اس سلسلے میں اخباری نمائندو ں سے بات کر تے ہوئے پو لیس کمشنر نے بتا یا کہ گرفتار شدہ ملز مین موبائل پر باتیں کرتے ہو ئے راہ گیروں کے موبائل فون چھین کر فرار ہوجاتے تھے۔ اس کے علاوہ بھیڑ بھاڑوالے علاقوں میں عوام کی جیب سے موبائل فون اڑالیا کرتے تھے۔ انہوں نے امید ظاہر کی کہ چاروں ڈویژنوں کی پو لیس اسی طرح اپنی ذمہ داری کو بخوبی نبھاتے ہو ئے جرائم میں ملوث عناصر کو گرفتار کرنے میں اہم رول ادا کرے گی۔اس مو قع پر اڈیشنل پولیس کمشنر سندیپ پاٹل بھی موجود تھے۔