پی ایم مودی نے 32 خواتین ممبران پارلیمنٹ سے ملاقات کی، کہا، سب کو ایک دوسرے کے بارے میں علم ہونا چاہیے

Source: S.O. News Service | By Shahid Mukhtesar | Published on 12th July 2019, 10:33 PM | ملکی خبریں |

نئی دہلی،12/جولائی (ایس او نیوز/ آئی این ایس انڈیا) وزیر اعظم نریندر مودی نے آج بی جے پی کی خواتین ارکان پارلیمنٹ سے غریب بستیوں میں بچوں کے غذائی قلت کودورکرنے کی سمت میں کام کرنے کی اپیل کی۔اپنے گھر پر تقریباًبتیس خواتین ممبران پارلیمنٹ سے پی ایم مودی نے ملاقات کی۔پی ایم مودی نے تمام خواتین ارکان پارلیمنٹ سے اپنا تفصیلی تعارف دینے کو کہا۔انہوں نے کہا کہ سب کو ایک دوسرے کے بارے میں علم ہونا چاہئے۔سیاست صرف اپنے بارے میں نہیں بلکہ دوسروں کے لئے ہوتی ہے۔خواتین ارکان پارلیمنٹ کو نئی ذمہ داریاں لینی چاہئے۔انہیں نئے علاقوں میں کام کرنا چاہئے۔پی ایم نے بچوں کے غذائی قلت کا ذکر کرتے ہوئے کہا کہ خواتین رہنما ایسے علاقوں میں بچوں کو صحت مند کھانا دینے کی سمت میں کام کر سکتی ہیں جہاں غذائی قلت کا مسئلہ ہے۔انہوں نے یہ بھی ذکر کیا کہ گجرات میں ایک تجربہ کیا گیا۔اس میں ایک صحت مند اور تندرست بچے کی تصویر ماؤں کواپنے موبائل پر ڈالنے کو کہا جاتا تھا جسے دیکھ کر انہیں اپنے بچے کو بھی تندرست رکھنے کی ترغیب ملتی ہے۔پی ایم بی جے پی کے ممبران پارلیمنٹ سے مسلسل ملاقات کر رہے ہیں۔اس کے لئے ان ممبران پارلیمنٹ کو مختلف گروپوں میں تقسیم کیا گیا ہے۔کل وزیراعظم نے بی جے پی کے نوجوان ارکان پارلیمنٹ سے ملاقات کی تھی۔بدھ کو وہ ان ممبران پارلیمنٹ سے ملے تھے جو کبھی ریاست یا پھر مرکز میں وزیر رہ چکے ہیں۔

ایک نظر اس پر بھی