دہشت گردی کے خلاف مرکوز لڑائی لڑنے ہند-سری لنکاکا عزم

Source: S.O. News Service | By Shahid Mukhtesar | Published on 10th June 2019, 10:56 AM | ملکی خبریں | عالمی خبریں |

کولمبو،10؍جون (ایس او نیوز؍یو این آئی) ہندوستان اور سری لنکا نے اتوارکے روز اتفاق کیا کہ دہشت گردی دونوں ملکوں کے لئے مشترکہ خطرہ ہے جس کے خلاف اجتماعی اور مرکوز کارروائی کی ضرورت ہے - وزیر اعظم نریندر مودی نے آج سری لنکا کے صدر میتر ی پالا سری سینا کے ساتھ دو طرفہ بات چیت کے بعد یہ اظہار خیال کیا- مودی نے ٹوئیٹ کیا کہ صدر سری سینا اور میں نے اس بات سے اتفاق کیا کہ دہشت گردی مشترکہ خطرہ ہے، جس کے خلاف لڑائی کے لئے اجتماعی اور مرکزی کارروائی کی ضرورت ہے - سری لنکا کے ساتھ مشترک، محفوظ اور درخشاں مستقبل کے تئیں ہندوستان کی عہد بندی کا اعادہ کیا-ایک دیگر ٹوئیٹ میں وزیر اعظم مودی نے کہا کہ اپنے سری لنکائی ہم منصب رانیل ویکرم سنگھے کے ساتھ نتیجہ خیز گفتگو ہوئی- میٹنگ کے دوران مودی نے دو طرفہ ترقیاتی شراکت کو مزید مضبوط بنانے کے لئے ہندوستان کی مکمل مدد کی یقین دہانی کرائی-انہوں نے سری لنکا کے اپوزیشن لیڈر مہندا راج پکسے کے ساتھ بھی تفصیلی ملاقات کی - میٹنگ کے بعد اپنی ٹوئیٹ میں انہوں نے کہا کہ میٹنگ میں انسداد دہشت گردی، سلامتی اور اقتصادی ترقی کے شعبوں میں ہندوستان اور سری لنکا کے درمیان نزدیکی تعاون کی ضرورت پر گفتگو ہوئی-سری لنکا سے واپسی کے لئے طیارہ پر سوار ہونے سے پہلے نریندر مودی نے کہا کہ میں نے سری لنکا کا مختصر دورہ کیا جو انتہائی ثمر آور رہا - سری لنکا کا ہمیشہ ہمارے دلوں میں خصوصی مقام حاصل رہا ہے - میں سری لنکا کے اپنے بھائی بہنوں کو یقین دلاتا ہوں کہ ہندوستان آپ کے ملک کی ترقی میں مدد کے لئے ہمیشہ آپ کے ساتھ رہے گا- میری پرتپاک میزبانی اور یادر گار استقبال کے لئے آپ سب کا شکریہ-وزارت خارجہ کے ترجمان رویش کمار نے بتایا کہ تمل کمیونٹی کی سیاسی پارٹی تمل نیشنل الائنس کے وفد نے آر سمپنتھن کی قیادت میں مودی سے ملاقات کی- وفد نے انتخابات میں مسٹر مودی کی کامیابی پر انہیں مبارکباد دی-

ایک نظر اس پر بھی

قندھار ہائیجیک کیس: ممبئی عدالت نے 19 ملزموں کو بری کردیا

 ممبئی سیشن عدالت نے،دسمبر 1999 میں نیپال کے دارالحکومت کھٹمنڈو سے دہلی جانے والے انڈین ایئرلائن   IC 814  کے طیارے کو اغوا  کرنے کے سلسلے میں ایک مقدمہ میں عبد اللطیف آدم مومن سمیت 19 افراد کو رہا کرنے کے لئے نچلی عدالت کے فیصلے کو برقرار رکھا ہے۔

راجستھان بحران : سچن پائلٹ کا 23 ممبران اسمبلی کی حمایت کا دعوی ، بی جے پی سے کیا رابطہ : رپورٹ

مدھیہ پردیش کے بعد اب راجستھان میں بھی کانگریس کی مشکلات بڑھ سکتی ہیں ۔ کہا جا رہا ہے کہ ایک مرتبہ پھر سے نائب وزیر اعلی سچن پائلٹ اور وزیر اعلی اشوک گہلوت کے درمیان تلواریں کھینچ گئی ہیں ۔

امیتابھ-ابھیشیک کے بعد ایشوریہ اور بیٹی ارادھیہ بھی کورونا سے متاثر

ملک میں لگاتار پھیل رہے کرونا وائرس کی زد میں اب بالی وڈ بھی آ چکا ہے۔ ہفتہ کی رات امیتابھ بچن اور ان کے بیٹے ابھیشیک بچن کے کورونا پازیٹو پائے جانے کے بعد لوگ ان کے خاندان کے تئیں فکرمندی کا اظہار کر رہے ہیں۔

ترکی: صوفیا میں 24 جولائی سے باجماعت نماز ہوگی

استنبول کے عجائب گھر آیا صوفیا کو مسجد میں بدلنے کے فیصلے کے بعد جمعہ کو وہاں اذان دی گئی جسے ترک چینلوں نے براہ راست نشر کیا۔ صدر رجب طیب اردوان نے کہا ہے کہ 24 جولائی سے باجماعت نماز شروع کردی جائے گی۔