مودی کی سلطان قابوس سے ملاقات، بھارت عمان کے درمیان آٹھ معاہدوں پر دستخط
مسقط 12 فروری(ایس او نیوز؍آئی این ایس انڈیا ) وزیر اعظم نریندر مودی نے عمان کے سلطان قابوس سے وسیع سطح پر تبادلہ خیال کیا اور اس دوران بھارت اور عمان نے دفاع، صحت اور سیاحت میں اشتراک و تعاون سمیت آٹھ معاہدوں پر دستخط بھی کئے ۔ تین ممالک کے دورے کے آخری مرحلہ میں دبئی سے یہاں پہنچے بھارتی وزیر اعظم نریندر مودی نے سلطان قابوس بن سعد امام سعد کے ساتھ نمائندے سطح کے مذاکرات میں شرکت کی۔وزارت خارجہ کے ترجمان رویش کمار نے ٹویٹ کرتے ہوئے کہا کہ ہمارے دو طرفہ تعلقات میں نئی بلندی چھوتے ہوئے وزیر اعظم نریندر مودی نے عمان کے سلطان قابوس کے ساتھ وفد سطح کی مذاکرات کی۔ دونوں اسٹریٹجک شراکت داروں کے درمیان تجارت اور سرمایہ کاری، توانائی، دفاع اور سیکورٹی، فوڈ سیکورٹی اور علاقائی مسائل پر تعاون بڑھانے کے سلسلے میں بات چیت ہوئی ۔ سلطان قابوس نے عمان کی ترقی میں ہندوستانیوں کی شراکت کی ستایش کی ۔مذاکرات کے بعد دونوں فریقوں نے آٹھ معاہدوں پر دستخط کئے. اس میں عادی اور تجارتی معاملات میں قانونی اور عدالتی تعاون پر ایک ایم او یو بھی شامل ہے۔ قومی دفاع ،کالج، عمان کی سلطنت اور دفاعی مطالعہ اور تجزیہ انسٹی ٹیوٹ کے درمیان تعلیمی تعاون کے لئے ایک ایم او یو ہوا۔ دونوں ممالک نے فوجی تعاون کے معاہدے پر بھی دستخط کئے۔ اس سے قبل بھارتی وزیر اعظم نریندر مودی نے عمان کے دارالحکومت میں قابوس اسپورٹس کمپلیکس میں ہندوستانیوں کو خطاب کرتے ہوئے کہا کہ دونوں ملکوں کے سیاسی ماحول میں اتار چڑھاو کے باوجود بھارت اور عمان کے تعلقات ہمیشہ مضبوط رہے ہیں۔ انہوں نے کہا کہ دونوں کے تعلقات کو مضبوط کرنے میں عمان میں رہ رہے ہندوستانیوں نے اہم کردار ادا کیا ہے۔ نوے لاکھ سے زیادہ بھارتی ساحلی علاقے میں کام کرتے ہیں اور رہتے ہیں۔ عمان میں، بھارتیوں کا سب سے بڑا مہاجر طبقہ ہے جو اپنے ملک سے ہجرت کرکے یہاں مقیم ہوگیا ہے ۔اپنے اس د ورہ کے سب سے پہلے مرحلہ میں انہوں نے فلسطین کا دورہ کیا تھا ۔ اور فلسطین دورہ کرنے پہلے بھارتی وزیر اعظم بھی بنے تھے۔