دو روزہ دورے پر ہندوستان پہنچےامریکی صدرڈونلڈ ٹرمپ، پی ایم مودی نے کیاوالہانہ استقبال

Source: S.O. News Service | Published on 24th February 2020, 1:04 PM | ملکی خبریں | عالمی خبریں |

احمد آباد،24/فروری (ایس او نیوز/ایجنسی) امریکی صدر ڈونلڈ ٹرمپ، اپنے اہل خانہ کے ساتھ دوروزہ دورے ہندوستان کے لیے احمد آباد پہنچے گئے ہیں۔ وزیراعظم نریندرمودی نے ٹرمپ اور ان کی اہلیہ کا ائیرپورٹ کا والہانہ استقبال کیاہے۔ امریکی صدر ڈونلڈ ٹرمپ اور وزیراعظم نریندرمودی آج یہاں ایک زبردست روڈ شو ’انڈیا روڈشو‘اور اس کے بعد دنیا کے سب سے بڑے کرکٹ اسٹیڈیم میں ایک لاکھ سے زیادہ لوگ’ نمستے ٹرمپ ‘پروگرام میں شرکت کررہے ہیں۔

ی ایم مودی تقریباً صبح 10بجے یہاں پہنچے ہیں اور وہ ہوائی اڈے پر صدر ٹرمپ کا والہانہ استقبال کیا۔ٹرمپ شہر ہوائی اڈے سے مہاتما گاندھی کےتاریخی سابرمتی آشرم جائیں گے اور وہاں کچھ وقت بتانے کےبعد واپس روڈ شو کرتے ہوئے شہر کے موٹیرا علاقے میں نوتعمیر شدہ سردار پٹیل اسٹیڈیم پہنچیں گے۔ جہاں نمستے ٹرمپ پروگرام میں شرکت کریں گے۔اس پروگرام میں وزیراعظم نریندرمودی اور صدر ٹرمپ مشترکہ طورپر عوام سے خطاب کریں گے۔

اس سے پہلے مشہور صوفی گلوکار کیلاش کھیر سمیت کئی فن کار اپنی پرفارمنس پیش کریں گے۔اسٹیڈیم کے مالکانہ حقوق رکھنے والے گجرات کرکٹ یونین کے صدر اور مرکزی وزیر داخلہ امت شاہ بھی اس موقع پر موجود رہیں گے۔صدر ٹرمپ آج دوپہر تقریباً 12بجے یہاں سردار ولبھ بھائی پٹیل بین الاقوامی ہوائی اڈے پر پہنچیں گے جہاں وزیراعظم ان کا استقبال کریں گے۔یہ کسی بھی امریکی صدر کا گجرات کاپہلا دورہ ہوگا۔ہوائی اڈے پر ہی زبردست استقبال کے بعدمسٹر ٹرمپ مسٹر مودی کے ساتھ 20کلومیٹر سے بھی زیادہ لمبے ’انڈیا روڈ شو‘ میں شرکت کریں گے۔اس کے بعد نمستے ٹرمپ پروگرام ہوگا۔دونوں پروگراموں کے پیش نظر 14ہزار سے زیادہ سکیورٹی اہلکاروں کو تعینات کیاگیاہے۔پورے راستے میں دونوں رہنماؤں کے بڑے بڑے کٹ آؤٹ اور ہورڈنگس لگائے گئے ہیں ۔نمستے ٹرمپ پروگرام کی شروعات دوپہر ایک بج کر پانچ منٹ پر ہوگی۔صدرٹرمپ کےلئےاس دورے کے دوران کھمن سمیت کئی روایتی گجراتی پکوان پیش کئےجائیں گے۔

اس دوران، ڈونلڈٹرمپ کے سابرمتی آشرم آنے کےسلسلے میں جاری قیاس آرائیوں کا بھی کل خاتمہ ہوگیا اوروہاں کے ٹرسٹی امت مودی نے کہا ہے کہ امریکی صدر کچھ وقت کےلئے وہاں پہنچیں گے۔آشرم احاطے میں صدر ٹرمپ کے استقبال کےلئے کافی تیاریاں بھی کی گئی ہیں۔سرکاری پروگرام کے مطابق مسٹر ٹرمپ روڈشو کے دوران دوپہر سوا بارہ بجے یہاں رانپ علاقے میں واقع مہاتما گاندھی کے اس تاریخی آشرم پر پہنچیں گے جہاں یہاں آنے والے ہر بڑے سربراہ مملکت کو روایت کے طورپر لایا جاتا رہا ہے۔وہ اور ان کی اہلیہ میلینیا ٹرمپ،پی ایم مودی کے ساتھ آشرم میں سابرمتی ندی کے کنارے بھی کچھ وقت گزاریں گے۔ہوائی اڈے سے ہی شروع ہونے والے روڈ شو کے دوران سڑک کے کنارے بنے 28اسٹیجوں پر فن کار ہندوستانی ثقافت کی جھلک پیش کرتے ہوئے رنگارنگ پیش کش دیں گے۔

ایک نظر اس پر بھی

لاک ڈاؤن کے دوران جان گنوا نے والے مہاجر مزدوروں کے اہل خانہ کو 25لاکھ روپئے معاوضہ دینے ایس ڈی پی آئی کا مطالبہ

   سوشیل ڈیموکریٹک پارٹی آف انڈیا  کے قومی صدر ایم کے فیضی نے اخباری بیان جاری کرتے ہوئے   مرکزی حکومت سے مطالبہ کیا ہے کہ بغیر تیاری کے اعلان کردہ لاک ڈاؤن کی وجہ سے کام کرنے کی جگہ اور اپنے گھروں کو پیدل سفر کرنے والے جو مہاجر مزدور بھوک اور تھکن سے جان گنو ا چکے ہیں،  ان کے ...

پوری دنیا میں کورونا کا قہر جاری، متاثرین کی تعداد 63 لاکھ سے تجاوز

پوری دنیا میں عالمی وبا کورونا وائرس کا قہر جاری ہے اور ہر روز متاثرین اور اس سے ہونے والی ہلاکتوں کی تعداد میں مستقل اضافہ ہو رہا ہے۔تازہ اعداد و شمار کے مطابق کورونا متاثرین کی تعداد 63لاکھ سے زیادہ ہوگئی ہے جبکہ اس وبا سے اب تک 3.73لاکھ سے زیادہ لوگوں کی موت ہوچکی ہے۔

عراق: فضائی حملے میں دو فوجی اور دو دہشت گردوں کی موت

عراق کے صوبہ نینوا اور دييالہ میں پیر کو ایک فضائی حملے اور ایک بم دھماکے میں دو فوجی ہلاک ہو گئے جبکہ دو دہشت گرد بھی مارے گئے۔ عراق کے جوائنٹ آپریشن کمانڈ کے میڈیا آفس نے ایک بیان میں بتایا کہ ایک حملہ میں دوعراقی فوجی ہلاک اور دو دیگر زخمی ہو گئے۔

انگلینڈ میں لاک ڈاؤن میں نرمی، 10 ہفتوں بعد کھلے اسکول

10 ہفتوں کے بعد برطانیہ کے انگلینڈ ریجن میں لاک ڈاؤن کے بعد اسکول کھول دیئے گئے، مگر نصف کے قریب والدین نے اپنے بچوں کو اسکول بھیجنے سے گریز کیا ہے۔ برطانوی حکومت نے گزشتہ روز لاک ڈاؤن میں نرمی کرنے کا اعلان کیا تھا جس میں اسکولوں کا کھولا جانا بھی شامل تھا، کچھ علاقوں میں ...