زرعی قوانین: اپوزیشن غیر متعلق ہوگئی ہے، مظاہرہ صرف برائے مخالفت ہے: وزیر اعظم مودی

Source: S.O. News Service | Published on 29th September 2020, 11:08 PM | ملکی خبریں |

نئی دہلی،29؍ستمبر(ایس او نیوز؍ایجنسی) وزیراعظم نریندر مودی نے اپوزیشن پارٹیوں بالخصوص کانگریس کو ہدف تنقید بناتے ہوئے منگل کو کہا کہ یہ لوگ کسانوں، نوجوانوں اور بہادر جوانوں کے ساتھ نہیں ہیں۔ یہ صرف برائے مخالفت ’مظاہرہ‘ کرنے کی وجہ سے غیر متعلق ہوتے جا رہے ہیں۔

مودی نے ویڈیو کانفرنسنگ کے ذریعہ سے ’نمامی گنگے مشن‘ کے تحت ہری دوار، رشی کیش اور بدری ناتھ میں چھ بڑے منصوبوں کا افتتاح کرنے کے بعد کہا کہ آج یہ لوگ فصلوں کی کم از کم سپورٹ قیمت (ایم ایس پی) پر بھی مغالطہ پھیلا رہے ہیں۔ ملک میں ایم ایس پی بھی رہے گا اور کسان کو ملک میں کہیں بھی فصل بیچنے کی آزادی ہوگی۔ لیکن یہ آزادی کچھ لوگ برداشت نہیں کر پا رہے ہیں۔

برسوں تک ایم ایس پی کے نفاذ کرنے کی بات کی جاتی رہی لیکن اسے نفاذ نہیں کیا گیا۔ ان کی حکومت نے سوامی ناتھن کمیشن کے مطابق ہی ایم ایس پی کا نفاذ کیا ہے۔ انہوں نے کہا کہ آج جب مرکزی حکومت کسانوں کو ان کا حق دے رہی ہے تو اس کی مخالفت کی جا رہی ہے۔ یہ لوگ چاہتے ہیں کہ ملک کا کسان کھلے بازار میں اپنی پیداوار نہیں بیچ سکے۔ انہوں نے کہا کہ جن آلات کی کسان پوجا کرتے ہیں اسے آگ لگا کر کسانوں کی توہین کی جا رہی ہے۔

وزیراعظم نے فوج کا ذکر کرتے ہوئے کہا کہ ہندوستانی فضائیہ کے پاس رافیل طیارے آئے اور ان کی طاقت میں اضافہ ہوا اس کی بھی وہ لوگ مخالت کرتے رہے۔ لیکن خوشی کی بات یہ ہے کہ رافیل سے ہندوستانی فضائیہ کی طاقت میں اضافہ ہوا ہے۔ انبالہ سے لے کر لیہ تک اس کی گھن گرج ہندوستانی جانبازوں کا حوصلہ بڑھا رہی ہے۔ فضائیہ طویل عرصے تک کہتی رہی ہے کہ اسے جدید جنگی طیارہ چاہیے لیکن ان کی بات کو نظرانداز کیا گیا۔ مرکز نے براہ راست فرانس کی حکومت سے جنگی طیاروں کا معاہدہ کیا تو انہیں پھر پریشانی ہوئی۔

مودی نے کہا کہ ملک کے کسانوں، مزدوروں اور صحت سے متعلق معاملوں میں بڑے اصلاحات کیے گئے۔ ان اصلاحات سے مزدوروں، نوجوانوں، خواتین اور کسان بااختیار ہوں گے۔ گزشتہ مہینہ ہی ایودھیا میں عظیم رام مندر کی تعمیر کے لئے اس کی بنیاد رکھی گئی۔ پہلے سپریم کورٹ میں رام مندر کی مخالفت کی گئی پھربنیاد رکھنے کی مخالفت کرنے لگے۔ انہوں نے کہا کہ ’’ہر بدلتی ہوئی تاریخ کے ساتھ مخالفت کرنے والے یہ لوگ غیر متعلق ہوتے جا رہے ہیں۔‘‘

انہوں نے کہا کہ ہندوستان کی پہل پر جب پوری دنیا انٹرنیشنل یوگا ڈے منارہی تھی تو اس کی مخالفت کی گئی۔ جب سردار پٹیل کی سب سے اونچے مجسمہ کی نقاب کشائی ہو رہی تھی تب بھی اس کی مخالفت کی گئی۔ آج تک ان کا کوئی بڑا لیڈر ’اسٹیچو آف یونیٹی‘ پر نہیں گیا۔ حکومت نے جب ’ون رینک ون پنشن‘ کا فائدہ فوجیوں کو دیا تو اس کی مخالفت کی گئی۔ چار برس پہلے ملک کے جانبازوں نے ’سرجیکل اسٹرائک‘ کرتے ہوئے دہشت گردوں کے اڈوں کو تباہ کردیا تھا تو اس کے ثبوت مانگے گئے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...