مودی ملک کے عوام کو گمراہ کر رہے ہیں:دنیش گنڈوراؤ
بنگلورو،9؍نومبر(ایس او نیوز) چین اروناچل پردیش میں ہندوستان کے علاقے پر قدم جما رہا ہے لیکن وزیر اعظم مودی چین کے خلاف کوئی کارروائی نہیں کررہے ہیں۔مودی ملک کے عوام کو گمراہ کررہے ہیں۔ کیا مودی چین کی جارحیت اور حملے کے بارے میں بولنے سے ڈرتے ہیں؟ یہ چبھتاسوال کے پی سی سی کے سابق صدر دنیش گنڈوراؤ نے کیا۔ بروزاتوار ٹوئیٹس کی ایک سیریز میں انہوں نے کہاکہ مودی کا 56/ انچ کے سینہ کاکیایہی مطلب ہے؟اتناچوڑاسینہ رکھنے والا وزیر اعظم چین کا جواب دینے کیلئے تیارکیوں نہیں ہے؟۔کیایہ ایک حقیقی آدمی کاسینہ ہے؟۔انہوں نے مزید کہا کہ ڈریم 11 کے ماسوا دیگر آن لائن گیمز قانون کے خوف کے بغیر کام کر رہے ہیں۔ ریاستی حکومت نے آن لائن گیمنگ پر پابندی لگا دی ہے۔ آن لائن گیمز کے عادی ہزاروں نوجوان اپنی زندگیاں برباد کر رہے ہیں۔ محکمہ داخلہ کو دوبارہ جاگنے کی ضرورت ہے؟ دنیش گنڈوراؤ نے مشورہ دیتے ہوئے کہاکہ محکمہ داخلہ کوچاہئے کہ وہ اس بارے میں ازسر نو غور کرے۔سیشن میں آن لائن گیم پر پابندی لگانے کا قانون لایا گیا ہے۔ تاہم ریاست میں آن لائن گیمز پراب تک پابندی عائدنہیں کی جاسکی۔ قانون کومؤثرطریقہ سے نافذکرنے کی وجہ سے اب بھی آن لائن گیمزجاری ہیں، اس لاپروائی نے زمینی قانون کا مذاق اڑایا۔ انہوں نے وزیر داخلہ ارگا گیانیندرسے خطاب کرتے ہوئے کہاکہ آپ کے محکمے کی ذمہ داری ہے کہ وہ قانون کوسختی سے نافذ کرے۔ قانون جاری رہنے کے باوجود ان گیمنگ ایپس پر کوئی کارروائی نہیں ہورہی ہے۔