بھٹکل میں سوچھتا ہی سیوا کے لئے پیشگی میٹنگ :پلاسٹک پر پابندی کاعمل ہمیں اپنے گھروں سے شروع کرنا چاہئے: اسسٹنٹ کمشنر ساجدملا کا اظہار خیال
بھٹکل:26؍ستمبر(ایس اؤ نیوز)سوچھتا ہی سیوا ہے پروگرام کی تیاری کے لئے بلائی گئی پیشگی میٹنگ میں بھٹکل کے اسسٹنٹ کمشنر ساجد مُلا نے بتایا کہ پلاسٹک پر پابندی کا عمل ہمیں اپنے گھروں سے شروع کرنا چاہئیے اور پلاسٹک کی پابندی کی ضرورت اور اس کے نقصانا ت کے متعلق دوسروں کو بھی سمجھانا چاہئے۔
بھٹکل اے سی دفتر میں سوچھتا ہی سیوا پروگرام کے متعلق منعقد کی گئی پیشگی تیاریوں کی میٹنگ میں خطاب کرتے ہوئے انہوں نے بتایا کہ پلاسٹک کے استعمال سے ماحولیات کا توازن بگڑ جاتاہے ، اس سلسلے میں بھٹکل میونسپالٹی کی جانب سے کڑی کارروائی جاری ہے ، اب ہمیں پلاسٹک پر مکمل پابندی کی طرف قدم بڑھانا ہے، اس سلسلے میں 2اکتوبر سے 10اکتوبر تک پلاسٹک پابندی کے متعلق بیداری مہم مناتےہوئے عوام میں اس تعلق سے بیداری اور جانکاری پیدا کرنی ہے۔
جے سی آئی کے صدر رمیش کھاروی نے اپنے خیالات کااظہارکیا۔ تحصیلدار وی پی کوٹرولی ، بلدیہ چیف آفیسر ٹی دیوراج ، جالی پنچایت چیف آفیسر وینو گوپال شاستری، ہیسکام اے ای ای منجوناتھ ، بی ای اؤ منجی ایم آر، بلدیہ انجنئیر وینکٹیش ناؤڈا، سوجیا سومن ، محکمہ جنگلات، زراعت، باغبانی ، پولس ، ساحلی محافظ دستہ سمیت تعلقہ کے مختلف محکمہ جات کے افسران ، مجلس اصلاح و تنظیم بھٹکل اور رابطہ سوسائٹی بھٹکل کے عہدیداران وغیرہ موجود تھے۔
