بھٹکل کمیونٹی جدہ کی جانب سے ممبران کے لئے پکنک کا اہتمام؛ خواتین کے لئے صحت بیداری کا بھی منعقد ہوا بہترین پروگرام
جدہ 7/اپریل (ایس او نیوز/راست) 4/اپریل 2019 کوبھٹکل کمیونٹی جدہ نے موجودہ حالات کو مد نظر رکھتے ہوئے پریشانیوں، دشواریوں اور تناو سے تھوڑا سا آرام اور پرسکون ماحول فراہم کرنے ممبران کے لئے پکنک کا اہتمام کیا جس میں بچوں بڑوں اور بزرگوں اور خواتین کے لئے بہت سارے تفریحی پروگرام منعقد کئے گئے. خیال رہے کہ یہ حقیقت نہیں بھولنی چاہئے کی زندگی بالخصوص با مقصد زندگی کے لئے دشواریاں لازمی ہے مگر یہی مشکلات و جد و جہد عمل کی قیمت بڑھا دیتی ہے اور اس طرح کی سیر و تفریح سے مرد مومن کا عزم و حوصلہ بڑھتا ہے۔
پروگرام کا افتتاح مولوی عفان ادیاور کی تلاوت کلام پاک سے ہوا ممبران اور مہمانوں کا استقبال نظامت کر رہے سکریٹری جناب نوید ائیکری نے کیا محفل میں مولوی اسامہ منیری نے غزل پڑھکر داد تحسین حاصل کی انکا ہر شعر معنی خیز تھا انکی آواز میں بلبل کی چہک پھولوں کی مہک،کلیوں کی چٹخ کے ساتھ ساتھ ایک وقار تھا جس نے جلسے کو ایک سنجیدہ ماحول بخشا، صدر جماعت جناب یسین عسکری نے بھی ایک نظم پڑھکر سنائ اور اپنے صدارتی خطبہ میں انہوں نے ممبران کو جماعت سے جڑے رہنے اور ہر پروگرام میں شریک رہنے کی درخواست کی، جناب عمران ادم نے چند مزاحیہ اشعار پڑھکر سنائے۔ جماعت کے سرگرم رکن جناب فیصل دامودی نے جماعت کے تمام ممبران کا شکریہ ادا کیا۔
پکنک کو کامیاب بنانے میں پیش پیش رہنے والے جناب قمر سعدا ، جناب عبیداللہ عسکری، جناب عارف قاسمجی، جناب عبدالمعیز جوکاکو ، وغیرہ کا فردا فردا شکریہ ادا کیا گیا ممبران کے لئے کھیل کے انعقاد کرنے پر جناب اسامہ منیری اور انکے ساتھیوں کا بھی شکریہ ادا کیا گیا۔ممبران اور مہمانوں کی کثیر تعداد موجود تھی پکنک میں کونٹی کرکٹ کا اہتمام کیا گیا تھا جس میں چار ٹیم نےحصہ لیا فائنل میں سواد منیری اور شہباز کولا کی ٹیم کا مقابلہ ہوا اور سواد منیری نے شہباز کولا کی ٹیم کو شکست دے کر پہلا مقام حاصل کیا۔
خواتین کے لئے صحت اگاہی پروگرام
چند دن پہلے بھٹکل کمیونٹی جدہ کی جانب سے جناب قمر سعدا کی رہائش گاہ پرخواتین کی صحت کا خیال رکھتے ہوئے دو نسواں ماہر طب کو مدعو کرتے ہوئے انہں پستان کا کینسر اور ذیابطیس کے بارے میں تفصیل سے معلومات فراہم کی گئی جس میں بھٹکل کمیونٹی جدہ کی خواتین نے کثیر تعداد میں شرکت کی۔ ڈاکٹر ہیلن محمد غوث جو تمل ناڈو سے تعلق رکھتی ہیں MD ہیں اور پستان کے کینسر اور اس سے بچنے اور چانچ کرنے کے بارے میں معلومات فراہم کیں۔اور ڈاکٹر ازرا کرمانی ایم ڈی ہیں حیدراباد سے تعلق رکھتی ہیں انہوں نے زیابطیس اور اس سے بچنے کے طریقوں پر تفصیل سے معلومات دی یہ بھٹکل کمیونٹی جدہ کا ایک تاریخی پروگرام تھا جسے تمام خواتین نے سراہا۔
