نئی دہلی،19/جنوری (آئی این ایس انڈیا) ہندوستان میں ایندھن کی قیمتوں میں ایک بار پھر اضافہ ہوا ہے، دہلی میں آج پٹرول کی قیمت 85.20 روپئے فی لیٹر ہے، جو ایک دن پہلے کے مقابلے میں 25 پیسے کا اضافہ ہوا ہے۔

دوسری طرف ڈیزل کی قیمتوں میں بھی تقریبا اتنا وہی اضافہ ہوا ہے  جو قومی دارالحکومت میں آج ڈیزل کی قیمت 75.13 روپئے فی لیٹر سے بڑھ کر 75.38 روپئے فی لیٹر ہوگئی ہے۔ اسی کے ساتھ ہی ممبئی میں پٹرول کی قیمت 91.80 روپئے فی لیٹر تک پہنچ گئی ہے، جبکہ ڈیزل کی قیمتیں بڑھ کر 82.13 روپئے فی لیٹر ہوگئی ہیں۔ اسی طرح دیگرمیٹرو شہروں میں بھی ایندھن کی قیمتوں میں اضافہ ہوا ہے۔ چنئی میں پٹرول کی قیمتیں 87.85 روپئے فی لیٹر پہنچ گئی ہے، جبکہ ڈیزل کی قیمت اب 80.67 روپئے فی لیٹر ہے۔ کولکاتہ میں پٹرول کی قیمت 86.63 روپئے فی لیٹر ہے، جبکہ ڈیزل کی قیمت میں آج 78.97 روپئے فی لیٹر کا اضافہ ہوا ہے۔

بنگلورو میں آج پٹرول کی قیمت 88.07 روپئے فی لیٹر اوراور ڈیزل کی 79.94 روپئے  فی لیٹر ہے۔فی الحال دہلی میں پٹرول کی قیمتیں نمایاں سطح پر پہنچ چکی ہیں، جبکہ ممبئی میں ڈیزل کی قیمتیں ریکارڈ سطح پر ہیں۔