ایکسائز ڈیوٹی میں تخفیف: تیل کے داموں میں گراوٹ، پٹرول 9.5 روپے اور ڈیزل 7 روپے سستا

Source: S.O. News Service | Published on 22nd May 2022, 12:13 PM | ملکی خبریں |

نئی دہلی، 22؍مئی (ایس او نیوز؍ایجنسی)  مہنگائی میں لگاتار ہو رہے اضافہ کے درمیان پٹرول اور ڈیزل کی قیمتوں میں کمی سے عوام کو بڑی راحت ملی ہے۔ آج 22 مئی 2022 سے ملک بھر میں پٹرول 9.5 روپے اور ڈیزل 7 روپے فی لیٹر سستا ہو گیا ہے۔ پٹرول اور ڈیزل کی قیمتوں میں یہ کمی ایکسائز ڈیوٹی میں تخفیف کے سبب واقع ہوئی ہے۔ مرکزی حکومت نے پٹرول پر ایکسائز ڈیوٹی میں 8 روپے اور ڈیزل پر 6 روپے فی لیٹر کی تخفیف کی ہے، جس سے پٹرول 9.50 روپے اور ڈیزل 7 روپے فی لیٹر سستا ہو گیا۔

وزیر خزانہ نرملا سیتا رمن نے ہفتہ کی شام ٹوئٹ کر کے عوام کو یہ خوشخبری سنائی کہ مرکزی حکومت نے پٹرول اور ڈیزل پر سنٹرل ایکسائز ڈیوٹی میں تخفیف کر دی ہے۔ خیال رہے کہ اس سے قبل مرکزی حکومت نے 3 نومبر 2021 کو پٹرول پر ایکسائز ڈیوٹی میں 10 روپے فی لیٹر اور ڈیزل پر 5 روپے فی لیٹر کی تخفیف کی تھی۔ اس کے بعد مارچ اپریل میں تیل کی قیمتوں میں مسلسل اضافہ ہوا۔ یوکرین اور روس کے درمیان جاری جنگ کے درمیان بین الاقوامی مارکیٹ میں خام تیل کی قیمتوں میں تیزی سے اضافہ ہونے کی وجہ سے اس کا اثر مقامی مارکیٹ میں پٹرول اور ڈیزل کی قیمتوں پر بھی پڑا۔

دہلی میں پٹرول کی قیمت کل یعنی ہفتہ کو 105.41 روپے تھی جو اب96.72 روپے فی لیٹر ہو گئی ہے۔ قومی راجدھانی میں پٹرول کی قیمت میں 8 روپے 69 پیسے فی لیٹر کی کمی ہوئی ہے۔ اسی طرح ملک کی مالیاتی راجدھانی ممبئی میں پٹرول 9 روپے 16 پیسے سستا ہو گیا ہے۔ ممبئی میں اب پٹرول 111.35 روپے فی لیٹر ہے۔ خاص بات یہ ہے کہ ان چار اہم شہروں دہلی، ممبئی، کولکاتا اور چنئی میں سے صرف دہلی میں پٹرول کی قیمت 100 روپے فی لیٹر سے کم ہے، جبکہ باقی تین شہروں میں اب بھی پٹرول 100 روپے فی لیٹر سے زیادہ قیمت پر فروخت ہو رہا ہے۔

دہلی والوں کو ڈیزل کی قیمت میں 7.05 روپے فی لیٹر کی راحت ملی ہے۔ کل تک دہلی میں ایک لیٹر ڈیزل 96 روپے 67 پیسے میں فروخت ہو رہا تھا لیکن آج سے یہ 89 روپے 62 پیسے میں فروخت ہو رہا ہے۔ اسی طرح ممبئی میں ڈیزل کی قیمت 104 روپے 77 پیسے سے کم ہو کر 97 روپے 28 پیسے فی لیٹر پر آ گئی ہے۔ ممبئی میں ڈیزل 7 روپے 49 پیسے سستا ہوا ہے۔ کولکاتا میں ڈیزل 7 روپے 7 پیسے اور چنئی میں 6 روپے 70 پیسے فی لیٹر سستا ہوا ہے۔

مرکز کے فیصلے کے بعد کیرالہ کی پنارائی وجین حکومت نے پٹرول اور ڈیزل کی قیمتوں میں بالترتیب 2.41 روپے اور 1.36 روپے فی لیٹر کی کمی کا اعلان کیا ہے۔ مرکز کے بعد کیرالہ پہلی ریاست ہے جس نے پٹرول اور ڈیزل پر عام لوگوں کو راحت دی ہے۔ کیرالہ میں اب پٹرول 11.91 روپے اور ڈیزل 8.36 روپے سستا ہو گیا ہے۔

ایک نظر اس پر بھی

پی ایم مودی کی میٹنگ سے نتیش اور چندرشیکھر راؤ رہے غائب

وزیر اعظم نریندر مودی نے اتوار کے روز نیتی آیوگ کی ساتویں گورننگ کونسل کی میٹنگ کی صدارت کی۔ یہ میٹنگ اتوار کو دہلی میں راشٹرپتی بھون کے کلچرل سنٹر میں منعقد ہوئی۔ میٹنگ میں کئی ریاستوں کے وزرائے اعلیٰ نے شرکت کی، لیکن دو بڑے لیڈران یعنی بہار کے وزیر اعلیٰ نتیش کمار اور ...

پارتھا چٹرجی کے 50 بینک کھاتوں کا انکشاف

 انفورسمنٹ ڈائرکٹوریٹ (ای ڈی) نے جو کروڑہا روپئے مالیتی اساتذہ بھرتی اسکام کی تحقیقات کررہا ہے، اس نے پارتھا چٹرجی اور ان کی معاون ارپیتا مکرجی کے کم از کم 50 بینک کھاتوں کا پتہ چلایا ہے، جو وہ انفرادی طور پر یا مشترکہ طور پر چلاتے تھے۔

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...