پٹرول اور ڈیزل کی قیمتوں میں اضافے کا سلسلہ جاری
نئی دہلی،22؍اکتوبر (آئی این ایس انڈیا) جمعہ 22 اکتوبر 2021 کو ایک بار پھر ملک میں پٹرول اور ڈیزل کی قیمتوں میں زبردست اضافہ ہوا ہے۔ آج پھر آئل مارکیٹنگ کمپنیوں نے پٹرول اور ڈیزل کی قیمتوں میں 35-35 پیسے فی لیٹر اضافہ کیا ہے۔ یہ مسلسل تیسرا دن ہے ، جب ملک میں فیول آئل کی قیمت میں اضافہ ہوا ہے۔ اس سے پہلے 18-19 اکتوبر کو تیل کی قیمتیں مستحکم تھیں۔ رواں ماہ ایندھن کی قیمت میں زبردست اضافہ ہوا ہے۔ پٹرول اور ڈیزل کی قیمتوں میں اکتوبر کے مہینے میں کل 17 بار اضافہ کیا گیا ہے۔ یعنی اکتوبر کے ان 22 دنوں میں صرف پانچ دن چھوڑ کر پٹرول اور ڈیزل کی قیمتوں میں ہر دن اضافہ کیا گیا ہے ،اس ماہ میں پٹرول 5 روپئے سے زیادہ اور ڈیزل ساڑھے 6 روپئے سے زیادہ مہنگا ہو گیا ہے ، وہ بھی ابھی مہینہ ختم بھی نہیں ہوا ہے۔ خام تیل میں تیزی سے گھریلو قیمتوں پر جو دباؤڈالا ہے ،اس کا اثرعام لوگوں کی جیبوں پر پڑ رہا ہے۔ اس میں کوئی راحت ملنے کی امید نہیں ہے کیونکہ آنے والے دنوں میں مزید اچھال کا امکان ہے۔ خام تیل 85 ڈالر فی بیرل سے اوپر جا چکا ہے اور آنے والے دنوں میں 90 ڈالر تک پہنچ سکتا ہے۔
مختلف شہروں میں پٹرول اور ڈیزل کی قیمتیں:
دہلی: پٹرول – 106.89 روپئے فی لیٹر ،ڈیزل – 95.62 روپئے فی لیٹر
ممبئی: پٹرول – 112.78 روپئے فی لیٹر ،ڈیزل – 103.63 روپئے فی لیٹر
کولکاتہ: پٹرول – 107.44 روپئے فی لیٹر ،ڈیزل – 98.73 روپئے فی لیٹر
چنئی: پٹرول – 103.92 روپئے فی لیٹر، ڈیزل – 99.92 روپئے فی لیٹر
نوئیڈا: پٹرول – 104.08 روپئے فی لیٹر، ڈیزل – 96.26 روپئے فی لیٹر
بنگلورو: پٹرول – 110.61 روپئے فی لیٹر، ڈیزل – 101.49 روپئے فی لیٹر
بھوپال: پٹرول – 115.54 روپئے فی لیٹر ،ڈیزل – 104.89 روپئے فی لیٹر
پٹنہ: پٹرول – 110.44 روپئے فی لیٹر، ڈیزل – 102.21 روپئے فی لیٹر
لکھنؤ: پٹرول – 103.86 روپئے فی لیٹر ،ڈیزل – 96.07 روپئے فی لیٹر
چندی گڑھ: پٹرول – 102.88 روپئے فی لیٹر، ڈیزل – 95.33 روپئے فی لیٹر