دبئی سے بھٹکل لوٹنے والوں میں 104 لوگوں کی رپورٹ آئی نیگیٹو؛ سات دن کورنٹائن مکمل کرنے پر دی جائے گی گھر جانے کی اجازت
بھٹکل 18/جون (ایس او نیوز) دبئی سے چارٹرڈ فلائٹ کے ذریعے بھٹکل لوٹنے والے 184 مسافروں میں سے اب تک 104 لوگوں کی رپورٹ کورونا نیگیٹو آئی ہے، بقیہ 80 لوگوں کی بھی رپورٹ ایک دو دن میں موصول ہوگی۔ اس بات کی اطلاع محکمہ ہیلتھ کے ایک آفسر نے دی۔
آفسر نے بتایا کہ دیگر لوگوں کی بھی رپورٹ نیگیٹو آنے کے بعد سات دن کورنٹائن کی مدت پوری کرنے والوں کو اگلے ایک دو دن کے اندر گھر جانے کی اجازت دی جائے گی اور ہوم کورنٹائن میں رہنے کی ہدایت دی جائے گی۔ محکمہ ہیلتھ کے آفسر کے مطابق اگلے دو دنوں کے اندر مہاراشٹرا اورآندھرا سمیت دیگرریاستوں سے واپس لوٹنے والوں کی رپورٹ بھی آنی باقی ہے، ہمیں ان کی بھی رپورٹ کا انتظار ہے، اگر اُن کی بھی رپورٹ نیگیٹو آتی ہے تو پھر ہمیں بھی راحت کی سانس ملے گی۔