بھٹکل 28 اکتوبر (ایس او نیوز)  تعلقہ کے حنیف آباد میں کیبل بچھانے کے لئے کی جارہی کھدائی کے کام کو روک  کر عوام نے سخت احتجاج کیا اورہیبلے پنچایت سمیت  اسسٹنٹ کمشنر  سے شکایت کرتے ہوئے کھودے گئی جگہ پر واپس مٹی ڈالی گئی ۔

سماجی کارکن نثار احمدٹاپ اور سید علی نے بتایا کہ  کنٹریکٹر نے نہ  پنچایت سے اجازت نامہ لیا تھا اور نہ ہی  حنیف آباد ویلفیر اسوسی ایشن  کی اجازت لے کر کام کررہا تھا، انہوں نے بتایا کہ کئی سالوں کی محنت اور دور دھوپ کے بعد یہاں پکی سڑک تعمیر ہوئی ہے مگر کیبل بچھانے کے لئے کی گئی کھدائی سے تعمیر شدہ  سڑک  خراب کی گئی ہے۔ انہوں نے بتایا کہ فوری طور پر کھدائی کی گئی پر واپس مٹی ڈال کر روڈ کر واپس بحال نہیں کیا گیا تو پھر کنٹریکٹر کے خلاف پولس تھانہ میں شکایت کی جائے گی۔

کام کی جگہ پر عوام الناس کے جمع ہونے کی اطلاع ملتے ہی مضافاتی پولس تھانہ کے پی ایس آئی اور پولس کے دیگر اہلکار بھی جائے وقوع پر پہنچ گئے، کھودی گئی   جگہ پر واپس مٹی ڈالنے کا کام شروع کرنے کے بعد ہی عوام نے اپنا احتجاج ختم کیا۔