پنٹاگان نے شام میں ترکی کے ساتھ فضائی رابطہ کاری روک دی

Source: S.O. News Service | Published on 8th October 2019, 6:05 PM | عالمی خبریں |

دبئی 8اکتوبر (آئی این ایس انڈیا)امریکی وزارت دفاع (پینٹاگان) کے ایک اعلان کے مطابق مشترکہ فضائی آپریشنز کے مرکز نے ترکی کو شام میں فضائی مشن کی ترتیب سے خارج کر دیا ہے۔پیر کے روز ایک اخبار بیان میں امریکی وزارت دفاع کی ترجمان کارلا گلیسن نے کہا کہ مذکورہ مرکز نے ترکی کو فضائی نگرانی سے متعلق معلومات کی فراہمی روک دی ہے۔گلیسن نے واضح کیا کہ تکنیکی طور پر ہم یہ نہیں کہہ سکتے کہ ترکی کے طیاروں کے لیے فضائی حدود بند کر دی گئی ہے مگر فضائی مشن کی ترتیب سے ایک فضائی میکانزم کو خارج کیے جانے پر رابطہ کاری کے بغیر کسی فضائی حدود میں پرواز تقریبا ناممکن ہے۔اس سے قبل پنٹاگان یہ وضاحت کر چکا ہے کہ امریکا نے شمالی شام میں کرد جنگجوؤں کے خلاف ترکی کی طے شدہ فوجی کارروائی کی توثیق نہیں کی ہے اور امریکی فوج کسی بھی طرح اس کی حمایت نہیں کرتی ہے۔پنٹاگان کے ترجمان جوناتھن ہوفمین نے پیر کے روز ایک بیان میں کہا ہے کہ محکمہ دفاع ترکی پر یہ واضح کرتا ہے اور جیسا کہ صدر ٹرمپ نے بھی کہا ہے کہ ہم شمالی شام میں ترک آپریشن کی توثیق نہیں کرتے۔ امریکا کی مسلح افواج اس کی حمایت کریں گی اور نہ وہ اس طرح کی کسی کارروائی میں شریک ہوں گی۔ترجمان کے بقول امریکی وزیر دفاع مارک ایسپر اور چئیرمین جوائنٹ چیف آف اسٹاف آرمی جنرل مارک میلے نے اپنے ترک ہم منصب کو یہ باور کرا دیا ہے کہ ترکی کے یک طرفہ اقدامات سے اس کے اپنے لیے ہی خطرات پیدا ہوں گے۔
 

ایک نظر اس پر بھی

دہلی تشدد، سی اے اے داخلی معاملہ، ہندوستان میں مسلمانوں سے تفریق نہیں ہوتی: ڈونلڈ ٹرمپ

امریکہ کے صدر ڈونلڈ ٹرمپ نے ہندستان میں مسلمانوں سے تفریق کئے جانے کے الزامات کو سرے سے خارج کرتے ہوئے شہریت ترمیمی قانون (سی اے اے) اور دہلی میں فرقہ وارانہ تشدد کو ہندستان کاداخلی معاملہ قرار دیتے ہوئے اس پر تبصرہ کرنے سے انکار کردیا۔

ڈونالڈ ٹرمپ نےسودے بازی کرنے میں مودی کو بتایا سخت ۔ ہند۔امریکہ کے درمیان 3/ارب ڈالر کے دفاعی معاہدوں کا اعلان

امریکی صدر ڈونالڈ ٹرمپ کا گجرات کے احمد آبادپہنچنے پر شاندار استقبال کیا گیا۔ وزیر اعظم نریندر مودی نے احمد آباد ہوائی اڈے پر امریکی صدر اور ان کی بیوی کا خیر مقدم کیا اور’نمستے ٹرمپ‘ پروگرام کے لئے موٹیر اسٹیڈیم کے راستے پر لوگ قطار میں کھڑے ہو کرہاتھوں میں ترنگا اور امریکی ...

سابرمتی آشرم میں ڈونالڈ ٹرمپ نے ’باپو‘ کا ذکر تک نہیں کیا

امریکہ کے صدر ڈونالڈ ٹرمپ نے سابرمتی آشرم پہنچ کر مہاتما گاندھی کو خراج عقیدت پیش کیا، لیکن حیرانی کی بات ہے کہ اس موقع پر انھوں نے باپو کا ذکر کرنا مناسب نہیں سمجھا۔ سابرمتی آشرم پہنچے ٹرمپ اور ان کی بیوی میلانیا کا استقبال ہندوستانی پی ایم نریندر مودی نے شال پیش کرتے ہوئے ...

افغانستان میں کرونا وائرس کے تین مریضوں کی نشاندہی

افغانستان میں صحت کے عہدے داروں نے بتایا ہے کہ ایران کی سرحد کے ساتھ واقع مغربی صوبے میں تین افراد کے بارے میں یہ شبہ ہے کہ وہ کرونا وائرس میں مبتلا ہو گئے ہیں۔ جب کہ ایران میں اس مہلک وائرس سے ہلاک ہونے والوں کی تعداد بڑھ کر کم ازکم 8 ہو گئی ہے۔