میسورو، یکم اگست  (ایس او نیوز) سابق ریاستی وزیر برائے دیہی ترقیات وپنچایت راج کے ایس ایشورپا نے بتایا کہ انہیں ریاستی کابینہ میں شامل کرنے یا نہ کرنے کا فیصلہ ہائی کمان کا ہے۔

یہاں اخباری نمائندوں سے بات کرتے ہوئے ایشورپا نے اس خیال کا اظہار کیا اور کہا کہ بسواراج بومئی کی نئی کابینہ میں شمولیت کے تعلق سے وہ کوئی فیصلہ نہیں لے سکتے۔ انہوں نے کہا کہ بی جے پی میں ایک نظام ہے،وزیر اعلیٰ،پارٹی صدر اور پارٹی رہنما اس سلسلہ میں فیصلہ کریں گے۔

انہو ں نے کہا کہ انہیں وزارت میں شامل کرنے،نائب وزیر اعلیٰ بنانے مختلف سوامیوں اور دیگر رہنماؤں نے مطالبہ کیا ہے جس کیلئے وہ ان کے شکرگزار ہیں، لیکن ہائی کمان کا جو بھی فیصلہ ہوگا اسے وہ قبول کریں گے۔