جیل میں ہی رہے گا گرمیت رام رہیم، پیرول کی عرضی ہوئی مسترد
سرسا، 9 اگست(ایس او نیوز/آئی این ایس انڈیا) گرمیت رام رہیم سنگھ انساں کو سناریا جیل انتظامیہ سے مایوسی ہاتھ لگی ہے۔جیل انتظامیہ نے ضلع انتظامیہ کی رپورٹ کو بنیاد بنا کر رام رہیم کی پیرول کو منسوخ کر دیا ہے۔بتا دیں کہ گرمیت رام رہیم کی بیوی ہرجیت کور کی جانب سے گرمیت کی ماں نصیب کور کی بیماری کا حوالہ دیتے ہوئے ہائی کورٹ میں 5 دن پہلے پیرول کی عرضی داخل کی تھی۔عرضی میں گرمیت رام رہیم کے لئے 3 ہفتے کا پیر ول مانگا گیا تھا۔ہائی کورٹ میں اس پر نوٹس لیتے ہوئے سناریا جیل سپرنٹنڈنٹ کو 5 دن میں گرمیت رام رہیم کی پیررول پر فیصلہ کرنے کو کہا تھا،جس کے بعد جیل سپرنٹنڈنٹ نے سرسا ضلع انتظامیہ سے گرمیت کی ماں نصیب کور کی صحت سے متعلق معلومات مانگی تھی۔بتا دیں کہ اس سے پہلے بھی رام رہیم کی پیرول کی درخواست مسترد ہو گئی تھی۔اس سے پہلے ڈیرہ سچا سودا کے مکھی گرمیت رام رحیم کو پنجاب ہریانہ ہائی کورٹ نے عارضی ضمانت دینے سے انکار کر دیا تھا۔اس نے اپنی بیٹی کی شادی میں شامل ہونے کے لئے پیرول مانگی تھی۔گرمیت رام رہیم فی الحال سادھویو سے عصمت دری اور صحافی رام چندر چھترپتی کے قتل کے جرم میں روہتک کی سناریا جیل کی سزا کاٹ رہا ہے۔