کشمیر معاملہ میں پاکستان اور چین کی مداخلت برداشت نہیں: انڈین یونین مسلم لیگ 

Source: S.O. News Service | By Shahid Mukhtesar | Published on 19th August 2019, 7:24 PM | ملکی خبریں |

تینکاسی،19؍اگست(ایس اؤ نیوز؍پریس ریلیز) انڈین یونین مسلم لیگ کے قومی صدر پروفیسر قادرمحی الدین نے تینکاسی میں ایک پریس میٹ سے خطاب کرتے ہوئے کہا کہ کشمیر ہندوستان کا داخلی معاملہ ہے، اس میں پاکستان اور چین کی مداخلت کو انڈین یونین مسلم لیگ کھبی بھی برداشت نہیں کرے گی۔ریاست جمو ں و کشمیر کے خصوصی درجہ کو ختم کرکے مرکزی حکومت نے وہاں کے عوام اورریاستی خودمختاری کا حق کو چھینا ہے۔ مرکزی حکومت کایہ اقدام قانون کی خلاف ورزی ہے۔ نیز مرکزی حکومت نے ریاست جموں وکشمیر کے عوام کی آراء جانے بغیر اس طرح کا اقدام کرکے غلطی کی ہے۔ کشمیر معاملہ ہندوستان کا داخلی معاملہ ہے اس میں پاکستان اور چین کو مداخلت نہیں کرنا چاہئے نیز کشمیر معاملہ کو اقوام متحدہ تک لے جایا جانا ہی غیر ضروری تھا۔ ایک اور سوال کے جواب میں انڈین یونین مسلم لیگ کے قومی صد رپروفیسر قادرمحی الدین نے کہا کہ ہندوستان کی معیشت بہت پیچھے ہے، اس کے اثرات کو ہمیں مستقبل میں بھگتنا پڑے گا۔ کمزور معیشت کی وجہ سے ہمیں جو بین الاقوامی مسائل کا سامنا کرنا پڑے گا ان سے نمٹنے کیلئے مناسب اقدامات اٹھانے کے بجائے مرکزی حکومت طلاق ثلاثہ قانون اور ایودھیا معاملہ کے ذریعے عوام کی توجہ ہٹانے کی کوشش کررہی ہے۔ مسلم لیگ کے قومی صدر پروفیسر قادر محی الدین نے مزید کہاکہ تمل ناڈو میں بلدیہ انتخابات میں حصہ لینے کیلئے پارٹی تیاری کررہی ہے۔جس کیلئے صوبہ بھر میں ضلعی سطح پر جنرل باڈی اجلاس کا انعقاد کیا جارہا ہے۔ڈی ایم کے پارٹی کے ساتھ انڈین یونین مسلم لیگ کی اتحاد جاری ہے اور بلدیہ انتخابات میں ہمیں جتنی نشستیں چاہئے وہ ہمیں مل جائیں گی۔ پریس میٹ میں جنرل سکریٹری کے اے ایم محمد ابوبکر ایم ایل اے، ریاستی خازن شاہ جہاں، رکن پارلیمان نوا ز غنی،تینکاسی ضلعی صدر سید سلیمان اور محمد علی موجود رہے۔ 

ایک نظر اس پر بھی

ہندوؤں کو اقلیتی درجہ دینے کا مطالبہ کرنے والی عرضی سپریم کورٹ سے خارج

سپریم کورٹ نے لفظ اقلیت کی تعریف کرنے اور ملک کی 9 ریاستوں میں اقلیتوں کی شناخت کےلئے ہدایت جاری کرنے سے متعلق عرضی جمعرات کو خارج کر دی۔ عرضی میں مطالبہ کیا گیا تھا کہ جن ریاستوں میں ہندوؤں کی تعداد کم ہے وہاں انہیں اقلیتی درجہ فراہم کیا جائے۔

اپہار آتشزدگی سانحہ: متاثرین کی ’كيوریٹو عرضی‘ خارج، انسل برادران نہیں جائیں گے جیل

سپریم کورٹ نے اپہار سینما آتشزدگی سانحہ میں لاپروائی کے مجرم اورملک کے جانےمانے بلڈر انسل برادران کو بڑی راحت دیتے ہوئے آتشزدگی شکار کی ایسوسی ایشن کی كيوریٹو عرضی خارج کردی ہے۔ اب سشیل انسل اور گوپال انسل کو جیل نہیں جانا پڑے گا۔

دہلی: ڈاکٹر کفیل کی رہائی کے لئے یوپی بھون پر مظاہرہ، جامعہ کے متعدد طلبا پولیس حراست میں

اتر پردیش میں سیاسی اور سماجی کارکنان کے خلاف استعمال کیے جانے والے سخت قوانین کے خلاف جامعہ ملیہ اسلامیہ کے طلبہ نے جمعرات کو یہاں اتر پردیش بھون کا گھیراؤ کرنے کی کوشش کی لیکن پولیس نے انھیں حراست میں لے لیا۔

کیرالہ: وزیر اعلیٰ وجین کا سڑک حادثے میں 20 افراد کی موت پر تعزیت کا اظہار

 کیرالہ کے وزیراعلی پنارائی وجین نے جمعرات کو تمل ناڈو کے تروپور ضلع کے اویناشی کے نزدیک قومی شاہراہ پرایک لاری کے کیرالہ ریاستی ٹرانسپورٹ کارپوریشن (کے ایس آرٹی سی) کی بس سے ٹکرانے کی وجہ سے ہوئے حادثے میں 20 افراد کی موت پر گہرے دکھ کا اظہار کیا ہے۔

نربھیا کیس: مجرم ونے شرما نے خود کو بتایا شدید ذہنی مریض، عدالت میں داخل کی عرضی

نربھیا عصمت دری اور قتل کیس کے قصورواروں میں سے ایک ونے تہاڑ جیل میں اپنے کمرے کی دیوار میں سر مار کر خود کو زخمی کر لیا اور اب عدالت میں عرضی دائر کی ہے کہ اس کی ذہنی حالت ٹھیک نہیں ہے لہٰذا اس کا علاج کروایا جائے۔