عالمی کپ 2019: افغانستان کو ہرانے کے بعد سیمی فائنل کیلئے پاکستان کی امیدیں برقرار؛ افغانستان کو ہرانے کےلئے پاکستان کے پسینے چھوٹ گئے

Source: S.O. News Service | By Shahid Mukhtesar | Published on 30th June 2019, 12:13 AM | اسپورٹس | ان خبروں کو پڑھنا مت بھولئے |

لیڈز،29؍جون (ایس او نیوز؍یو این آئی) ساتویں نمبر کے بلے باز عماد وسیم کی نازک موقع پر کھیلی گئی ناٹ آؤٹ 49 رن کی فیصلہ کن اننگ کی بدولت پاکستان    افغانستان کو تین وکٹوں ہرا کر آئی سی سی عالمی کپ کے سیمی فائنل میں پہنچنے کی اپنی امید  کو باقی رکھ دیا ہے۔

پاکستان نے شاندار گیند بازی کرتے ہوئے افغانستان کو 9 وکٹوں کے نقصان  پر 227 رنوں  پر ہی روکنے  میں کامیاب ہوئی  لیکن ہدف تک پہنچنے میں پاکستانی بلے بازوں  کے پسینے چھوٹ گئے۔پاکستان نے اپنے چھ وکٹ 156 رن پر گنوادیئے تھے لیکن وسیم نے اپنے کیریر کی سب سے بہترین اننگ کھیلتے ہوئے اپنی ٹیم کی امیدوں کو قائم رکھنے والی جیت دلادی۔ پاکستان نے 4ء49 اووروں میں سات وکٹ پر 230 رن بنائے۔ وسیم نے 54 گیندوں پر ناٹ آؤٹ 49 رن میں پانچ چوکے لگائے۔

پاکستان نے اپنا ساتواں وکٹ 206 کے اسکور پر گنوایا لیکن وہاب ریاض کے آنے کے ساتھ ہی چوکا اور چھکا لگا کر میچ پاکستان کے حق میں کردیا۔ پاکستان کو آخری اوور میں جیت کے لئے چھ رنوں کی ضرورت تھی لیکن آخری اوور افغانستان کے کپتان گل بدین نائب ڈالنے اترے۔

افغانستان نے اس اوور میں رن آؤٹ کا موقع گنوایا اور میچ اس کے ہاتھ سے نکل گیا۔ عماد نے چوتھے گیند پر چوکا ما رکر جیت پاکستان کی جھولی میں ڈال دی۔ ریاض نو گیندوں پر 15 رن بنا کر ناٹ آؤٹ رہے اور ان کی یہ اننگ بھی وسیم جتنی اہم رہی۔ پاکستان کی آٹھ میچوں میں یہ چوتھی جیت ہے اور وہ 9 پوائنٹ کے ساتھ فہرست میں چوتھے مقام پر پہنچ گیا ہے۔ اس سے قبل پاکستان کی چست گیند بازی کے سبب افغانستان ہفتہ کو آئی سی سی ورلڈ کپ میچ میں مڈل آرڈر کے بلے بازوں اصغر افغان (42 رنز) اور نجیب اللہ زدران (42 رن) کی اننگز کی بدولت نو وکٹ پر 227 رن کا اسکور بنا سکی ۔

سیمی فائنل کی دوڑ سے پہلے ہی باہر ہو چکی افغانستان کی ٹیم نے ٹاس جیت کر پہلے بلے بازی کا فیصلہ کیا اور مقررہ 50 اوورز میں نو وکٹوں کے نقصان پر 227 رن بنا ئے۔ دیگر میچوں کی طرح اس بار بھی افغانستان کے بلے باز بہت متاثر کن اسکور نہیں کر سکے لیکن اوپنروں کے سستے میں نمٹنے کے بعد پانچویں نمبر کے بلے باز اصغر نے 35 گیندوں میں تین چوکے اور دو چھکے لگا کر 42 رنز اور نجیب اللہ نے 54 گیندوں میں چھ چوکوں کی مدد سے 42 رنز کی اننگز  کھیل کر ٹیم کو کچھ تسلی بخش حالت میں پہنچایا۔

پاکستان کے لیے شاہین شاہ آفریدی نے 10 اوور میں 47 رن دے کر سب سے زیادہ چار وکٹ نکالے جبکہ عماد وسیم نے 48 رن دے کر دو وکٹ اور وہاب ریاض نے 29 رن پر دو وکٹ لئے۔ شاداب خان کو 44 رن پر ایک وکٹ ملا۔ پاکستان کے لیے سیمی فائنل کی امیدیں برقرار رکھنے کے لیے یہ کرو یا مرو کا مقابلہ ہے جبکہ افغانستان کے لیے اب نتیجے کے لحاظ سے نہ سہی لیکن عالمی کپ میں پہلی جیت درج کر تاریخ رقم کرنے کے لحاظ سے یہ اہم میچ ہے۔

مسلسل دو میچوں میں جیت کے بعد بلند حوصلے کے ساتھ اتری پاکستان نے اچھی شروعات کرتے ہوئے افغانستان کا پہلا وکٹ کپتان گلبدين نائب کے طور پر جلد حاصل کر لیا جو 15 رن ہی بنا سکے۔ آفریدی نے گلبدين کو کپتان سرفراز احمد کے ہاتھوں وکٹ کے پیچھے کیچ کرایا۔ انہوں نے پانچویں اوور کی چوتھی گیند پر گلبدين کو آؤٹ کرنے کے بعد اگلی ہی گیند پر حشمت اللہ شہادت کو صفر پر عماد وسیم کے ہاتھوں کیچ کرا دوسرا وکٹ بھی حاصل کر لیا۔

اگرچہ وہ ہیٹ ٹرک سے چوک گئے۔ ایک سرے پر کھڑے ہوئے اوپنر رحمت شاہ نے 43 گیندوں میں پانچ چوکے لگا کر 35 رنز کی اننگز کھیلی، لیکن دوسرے سرے سے ان کو مدد نہیں ملی اور افغانستان کوئی بڑی شراکت نہیں کر سکا۔ رحمت کو عماد نے 57 کے اسکور پر تیسرے بلے باز کے طور پر آؤٹ کرایا۔ اس کے بعد اكرم آفریدی (24) اور اصغر افغان (42) نے چوتھے وکٹ کے لئے 64 رن کی نصف سنچری شراکت سے ٹیم کو سنبھالا۔

اصغر کا اہم وکٹ شاداب نے حاصل کیا ۔ افغانستان نے 125 کے اسکور تک پانچ وکٹ گنوا دیئے اور مشکل صورت حال میں پہنچ گئی۔ محمد نبی اور نجیب اللہ نے چھٹے وکٹ کے لئے 42 رن کی ساجھےداری کرکے ٹیم کو راحت دی ۔ نبی نے 16 رن جوڑے جبکہ نجیب اللہ نے 42 رنز کی اننگز کھیلی۔ نچلے آرڈر میں سمیع اللہ شنواري نے 32 گیندوں میں ایک چوکا لگا کر ناٹ آؤٹ 19 رن بنائے۔

آئی پی ایل کے اسٹار کھلاڑی راشد خان نچلے آرڈر میں مفید بلے باز مانے جاتے ہیں لیکن وہ بلے سے کوئی تعاون نہیں دے سکے اور آٹھ رنز بنا کر آفریدی کی گیند پر فخر زمان کے ہاتھوں کیچ ہو گئے۔ حامد حسن (ایک) کو وہاب نے آؤٹ کر افغانستان کا نواں اور اننگز کا آخری وکٹ نکالا۔

ایک نظر اس پر بھی

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چنئی نے ریکارڈ بنایا، نویں بار آئی پی ایل کے فائنل میں پہنچی، دہلی کو دی شکست

دبئی میں کھیلے گئے کوالیفائنگ مقابلہ میں چنئی سپر کنگس (سی ایس کے) نے دہلی کیپیٹلس کو شکست دے کر فائنل میں اپنی جگہ بنا لی ۔ سی ایس کے کپتان دھونی نے ایک شاندار پاری کھیلتے ہوئے چھہ گیندوں میں 18 رن بنائے اور آخری گیند پر چوکا لگاکر ٹیم کو جیت دلائی۔رابن اتھپا اور رتو راج ...

اتراکھنڈ: شدید بارش سے اب تک 46 افراد ہلاک، 11 لاپتہ

اتراکھنڈ میں تقریباً 48 گھنٹے ہوئی موسلا دھار بارش اور لینڈ سلائیڈنگ کی زد میں آنے سے اب تک کل 46 افراد ہلاک اور 11 دیگر لاپتہ ہیں۔ اس تباہی میں کل 12 افراد زخمی حالت میں اسپتالوں میں زیر علاج ہیں۔ تباہی میں کل نو عمارتوں کو جزوی یا مکمل طور پر نقصان پہنچا ہے۔

بھٹکل میونسپالٹی کے 21دکانوں کی نیلامی 25اکتوبر کو : خواہش مند تاجر حضرات توجہ دیں

بھٹکل ٹاؤن میونسپالٹی کی ملکیت والے 21پرانے دکانوں کی25اکتوبر کو  دوبارہ نیلامی کی جائے گی ۔ اس سلسلےمیں بھٹکل میونسپالٹی حدود کے عوام الناس کو اطلاع دی گئی ہےکہ وہ متعلقہ دکانیں 12برسوں کی مدت کے لئے کرایہ پر دئیے جائیں گے۔ خواہش مند حضرات متعلقہ  ضروری دستاویزات اور شرائط کے ...

مرکزی حکومت ہر محاذ پر ناکام، گیس سلنڈر، پٹرول -ڈیزل کی بڑھتی قیمتوں پرسچن پائلٹ کامرکز پرحملہ

راجستھان کے سابق نائب وزیر اعلیٰ سچن پائلٹ منگل کو جودھپور کے دورے پر تھے۔ ہوائی راستے سے جودھ پور پہنچنے کے بعد، ہوائی اڈے پر میڈیا سے بات کرتے ہوئے انہوں نے مرکزی حکومت پر حملہ کیا۔

شاہ رُخ خان کے بیٹے آرین خان کی حمایت میں شیوسینالیڈرپہنچے سپریم کورٹ

بالی ووڈ کے سپر اسٹار شاہ رخ خان کے بیٹے سے وابستہ کروز ڈگرس پارٹی کا معاملہ سپریم کورٹ تک پہنچ گیا ہے۔ شیو سینا کے لیڈر کشور تیواری نے سپریم کورٹ میں درخواست پیش کرتے ہوئے آرین خان اور دیگر ملزمان کے بنیادی حقوق کا حوالہ پیش کیا ہے۔