مصباح الحق پاکستانی کرکٹ ٹیم کے ہیڈ کوچ اور چیف سلیکٹر مقرر

Source: S.O. News Service | Published on 5th September 2019, 11:43 AM | اسپورٹس |

اسلام آباد،5؍ستمبر (ایس او نیوز؍یو این  آئی)  پاکستان کے سابق کپتان مصباح الحق کو ٹیم کا ہیڈکوچ اور چیف سلیکٹر بنایا گیا ہے۔ پاکستانی کرکٹ بورڈ (پی سی بی) نے یہ اطلاع دی۔ رپورٹ کے مطابق پاکستان کے سابق تیزگیندباز وقار یونس کو بالنگ کوچ بنایا گیا ہے لیکن ابھی بلے بازی کوچ پر فیصلہ نہیں کیا گیا ہے۔

پی سی بی نے سابق ہیڈ کوچ وقار یونس کو اس مرتبہ آئندہ 3 برس کے لیے ٹیم کا باؤلنگ کوچ مقرر کیا گیا ہے۔ مصباح سابق کوچ مکی آرتھر جبکہ وقار یونس اظہر محمود کی جگہ لیں گے۔

مصباح پاکستان کے 30 ویں چیف کوچ بنے ہیں لیکن یہ پاکستانی کرکٹ تاریخ میں پہلا موقع ہےجب ہیڈ کوچ کو ہی چیف سلیكٹر کی ذمہ داری بھی سونپی گئی ہے۔ پی سی بی نے اگلے تین سال کے لئے مصباح الحق کے ساتھ معاہدہ کیا ہے۔

مصباح نے پاکستان کی جانب سے 75 ٹیسٹ اور 162 ون ڈے انٹرنیشنل میچ کھیلے اور ساتھ ہی 2010 سے 2017 کے درمیان پاکستان کے سب سے زیادہ کامیاب ٹیسٹ کپتان بھی رہے ہیں۔ مصباح پہلی بار کسی ٹیم کو کوچنگ دینے کی ذمہ داری سنبھالیں گے۔

بی بی سی اردو کی رپورٹ کے مطابق پاکستان کرکٹ ٹیم کا ہیڈ کوچ اور چیف سلیکٹر مقرر ہونے کے بعد مصباح الحق نے کہا کہ وہ ٹیم کے انتخاب میں بطور کوچ اور چیف سلیکٹر رائے ضرور دیں گے البتہ حتمی ٹیم کے انتخاب کا حق کپتان کے پاس ہو گا۔ مصباح الحق اپنی تقرری کے بعد لاہور میں پاکستان کرکٹ بورڈ کے چیف ایگزیکٹو وسیم خان کے ہمراہ ایک پریس کانفرنس سے خطاب کر رہے تھے۔

انہوں نے کہا، ’’میں بطور چیف سلیکٹر اور کوچ اپنا مؤقف دیتا رہوں گا اور ٹیم کی انتخاب سے متعلق کپتان کے ساتھ ایک اچھی اور مثبت بحث ہونی چاہیے۔‘‘ اس موقع پر مصباح الحق نے یہ بھی کہا ’’جب آپ کے پاس طاقت آتی ہے اور فیصلہ لینے کی ذمہ داری آتی ہے تو آپ کا امتحان ہوتا ہے میری کوشش ہو گی کہ میں پاکستان میں کرکٹ کے ڈھانچے میں نیچے تک پیشہ وارانہ مہارت لا سکوں۔‘‘

اس موقع پر وسیم خان کا کہنا تھا کہ ’’پاکستان کرکٹ کے لیے یہ اتنہائی اہم موقع ہے اور ہمارے نزدیک پاکستان کی فتوحات بہت ضروری ہیں۔‘‘

ایک نظر اس پر بھی

بھٹکل: انفا کے نثار نے بنائی 27 گیندوں پر دھواں دار سنچری؛ قائم کیا ٹی ٹوئنٹی میں بھٹکل تعلقہ میں تیز رفتار سنچری اسکور کرنے کا نیا ریکارڈ

بھٹکل آزاد نگر کی انفا کرکٹ ٹیم کے کھلاڑی ناصر احمد المعروف احمدی نے بھٹکل تعلقہ لیول ٹی ٹوینٹی کرکٹ ٹورنامنٹ میں  محض 27 گیندوں پر سینچری اسکورکرکے تیز رفتار سنیچری اسکور کرنے  کا  نیا ریکارڈ قائم  کیا ہے۔ اس سے قبل قریب دس بارہ سال پہلے  لبیک نوائط کے فرحان جوشیدی نے ایک ...

ہندوستان نے برسبین میں سیریزجیت کر تاریخ رقم کی

نوجوان سلامی بلے باز شبمن گل (91)، چیتیشور پجارا (56) اور باصلاحیت وکٹ کیپر بلے باز رشبھ پنت (ناٹ آؤٹ) کی بہترین بلے بازی کی بدولت ہندوستان نے آسٹریلیا کو برسبن کے گابا میدان میں منگل کے روز کھیلے گئے چوتھے اور آخری کرکٹ ٹیسٹ میچ کے پانچویں دن تین وکٹوں سے شکست دے کر نئی تاریخ ...

سورو گنگولی کی حالت مستحکم ، گورنر اور سی ایم ممتا بنرجی سمیت متعددلیڈران پہونچے

بی سی سی آئی کے صدر سورو گنگولی کی صحت اب مستحکم ہے۔ مغربی بنگال کے گورنر جگدیپ دھنکھڑ اوروزیراعلیٰ ممتا بنرجی سمیت متعدد وزراء اورٹی ایم سی اوربی جے پی کے لیڈران ان کی حالت جاننے کے لیے اسپتال پہنچے۔

آسٹریلیا کو 100 ویں ٹیسٹ میچ میں شکست دے کر ہندستان نے کی برابری

ہندوستان نے اپنے گیند بازوں کی مضبوط کارکردگی کا مظاہرہ کرتے ہوئے دوسرے باکسنگ ڈے ٹیسٹ کے چوتھے روز آسٹریلیا کو آٹھ وکٹوں سے شکست دے کر چار میچوں کی سیریز 1-1 سے برابر کرلی۔ ہندوستان نے آسٹریلیا کو دوسری اننگز میں 200 رنوں پر سمیٹ دیا اور فتح کے لئے ملا 70 رنوں کا ہدف دو وکٹیں گنوا ...

بھٹکل کرکٹ لیگ ٹورنامنٹ کی افتتاحی تقریب : ڈویزن لیول میں کھیلنے کا موقع

19دسمبر 2020بروز سنیچر سے بھٹکل اسپورٹس اکیڈمی بھٹکل اور بھٹکل مسلم یوتھ فیڈریشن کے اشتراک سے  شروع ہونے والے امین سیف اللہ جونئیر کرکٹ لیگ کی افتتاحی تقریب 18دسمبر بروز جمعہ کی شام  تعلقہ اسٹیڈیم (وائی ایم ایس اے گراؤنڈ) میں منعقد ہوئی۔

سری لنکا کرکٹ بورڈ منسوخ کرسکتا ہے جنوبی افریقہ کا دورہ

حال ہی میں میزبان جنوبی افریقہ اور انگلینڈ کے مابین تین میچوں کی ٹی ٹونٹی سیریز اور تین میچوں کی ون ڈے سیریز کھیلی جانی تھی۔ انگلینڈ کی ٹیم جو جنوبی افریقہ کے دورے پر گئی تھی انہوں نے تین میچوں کی ٹی ٹونٹی سیریز کھیلی، لیکن ون ڈے سیریز سے قبل جنوبی افریقہ کرکٹ بورڈ کورونا وائرس ...