وزیر خزانہ سیتا رمن کارکنوں کے سلسلے میں بے حس بنی رہیں: کانگریس
نئی دہلی،15؍مئی(ایس او نیوز؍یو این آئی) کانگریس نے لاک ڈاؤن کی وجہ سے پیدل گھر جانے کو مجبور مہاجر مزدوروں کے لئے بندوبست نہ کرنے پر گہری مایوسی کا اظہار کرتے ہوئے الزام لگایا ہے کہ مودی حکومت اس طبقہ کے ساتھ بے حسی اور غیر انسانی برتاؤ کر رہی ہے۔
کانگریس کے ترجمان منیش تیواری اور سپریا شری نیت نے جمعرات کو یہاں مشترکہ پریس کانفرنس میں کہا کہ وزیر خزانہ نرملا سیتا رمن اور فنانس وزیر مملکت انوراگ ٹھاکر نے آج اپنی پریس کانفرنس میں مزدوروں کے تئیں جس رخ کا مظاہرہ کیا وہ بے حسی، غرور اور جہالت کی بہترین مثال ہے۔ دونوں وزراء نے ڈیڑھ گھنٹے چلی اس پریس کانفرنس میں صرف اعداد وشمار کے گولے داغے ہیں۔
انہوں نے کہا کہ ملک میں مہاجر مزدوروں کی موجودہ حالت انتہائی ڈراؤنا ہے اور لوگ کام نہ ہونے کی وجہ سے پیدل اپنے گھر جا رہے ہیں لیکن حکومت نے انہیں گھر پہنچانے کے لئے کوئی انتظام نہیں کیا ہے۔حیرت اس بات کی ہے کہ 20 لاکھ کروڑ کا پیکج کا اعلان کرنے والی اس حکومت نے اس طبقے کے لئے صرف پانچ ہزار کروڑ کا اہتمام کیا ہے۔
کانگریس ترجمان نے کہا ہے کہ مہاجر ،مزدور وں کے لئے حکومت کے پاس ان کو مایوس کرنے کے علاوہ دینے کے لئے کچھ نہیں ہے۔ مزدوروں کو حکومت پر اعتماد نہیں ہے تو سب سے پہلے لاک ڈاؤن کا اعلان ہوتے ہی ہزاروں مزدور پیدل ہی اپنے گھرو کو نکلنا شروع کر دیئے تھے اور یہ سلسلہ اب بھی نہیں تھم رہا ہے۔