ہمارے جوان شہید ہو رہے ہیں اور آپ ٹی 20 کھیلیں گے؟ اسد الدین اویسی نے کہا،مودی پٹرول اورچینی فوج پرنہیں بول سکتے

Source: S.O. News Service | Published on 20th October 2021, 1:22 PM | ملکی خبریں |

حیدرآباد،20؍اکتوبر(آئی این ایس انڈیا) آل انڈیا مجلس اتحاد المسلمین کے سربراہ اسد الدین اویسی نے وزیر اعظم مودی کو نشانہ بنایا ہے۔ اویسی نے کہاہے کہ پی ایم مودی دو چیزوں پر کبھی کچھ نہیں بولتے۔ ایک پٹرول اور ڈیزل کی بڑھتی ہوئی قیمتوں پر اور دوسری چینی فوج پر جو لداخ میں ہماری سرحد میں داخل ہوئی۔حیدرآباد شہر میں ایک جلسہ عام میں اویسی نے کہا ہے کہ پی ایم مودی چین کے بارے میں بولنے سے زیادہ ڈرتے ہیں۔قابل ذکر بات یہ ہے کہ پٹرول اور ڈیزل کی قیمتیں ریکارڈ بلند ہوچکی ہیں۔ اتوار کو تیل کمپنیوں نے پٹرول اور ڈیزل کی قیمتوں میں مسلسل چوتھے دن اضافہ کیا تھا۔ دہلی میں پٹرول 105.85 روپے فی لیٹر اور ڈیزل 94.57 روپے فی لیٹر تک پہنچ گیاہے۔ جموں و کشمیر کے پونچھ میں جاری فوجی آپریشن کے دوران فوجیوں کی شہادت کے واقعے پر اسد الدین اویسی نے کہاہے کہ ہمارے 9 جوان کشمیر میں مارے گئے ہیں اور بھارت 24 اکتوبر کو پاکستان کے ساتھ ٹی 20 میچ کھیلے گا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...