نئی دہلی، 14 جولائی(ایس او نیوز/آئی این ایس انڈیا) ملک کے تمام گاؤں تک بجلی ضرور پہنچا دی گئی ہو لیکن ہندوستان کے قریب 37 فیصد اسکولوں میں آج بھی بجلی دستیاب نہیں ہے۔مربوط ضلع تعلیمی نظام معلومات(یوڈی آئی ایس ای)2017-19 کی رپورٹ کے مطابق ملک کے صرف 63.14 اسکولوں میں بجلی موجود تھی، جبکہ باقی سکولوں میں بجلی نہیں تھی۔ اس موضوع پرفروغ انسانی وسائل کے وزیر رمیش پوکھریال نشنک کا کہنا ہے کہ ’دین دیال اپادھیائے گرام جیوتی منصوبہ‘ کے تحت دیہات / دیہی علاقوں میں بجلی پہنچائی جاتی ہے۔ایسے اسکول جنہیں بجلی کنکشن کی ضرورت ہے، وہ ریاستی بجلی یوٹیلٹی سے رابطہ کر سکتے ہیں اور بجلی سروس کنکشن موجودہ قوانین کے تحت ریاست بجلی یوٹلیٹی طرف لگائی جاتی ہے۔یوڈی آئی ایس ای: 2017-19 کی رپورٹ کے مطابق، آسام میں 24.28 فیصد اسکولوں میں بجلی ہے، جبکہ میگھالیہ کے 26.34 فیصد، بہار میں 45.82فیصد، مدھیہ پردیش 32.85فیصد، منی پور 42.08فیصد، اڑیسہ 36.05 فیصد اور تریپورہ 31.11فیصد اسکولوں میں بجلی کا کنکشن ہیں،اگرچہ لکش دیپ، چنڈی گڑھ اور دادرا اور شہر حویلی کے تمام اسکولوں میں بجلی ہے، جبکہ دہلی میں 99.93 فیصد اسکولوں میں بجلی دستیاب ہے۔آندھرا پردیش میں 92.8 فیصد، چھتیس گڑھ میں 70.38 فیصد، گوا میں 99.54 فیصد، گجرات میں 99.91 فیصد، ہریانہ میں 97.52 فیصد، ہماچل پردیش میں 92.09 فیصد، کیرالہ میں 96.91 فیصد اسکولوں میں بجلی کا کنکشن ہے۔رپورٹ کے مطابق، مہاراشٹر میں 85.83 فیصد اسکولوں میں بجلی کا کنکشن ہے جبکہ جھارکھنڈ میں 47.46 فیصد، جموں و کشمیر میں 36.63، پنڈوچیری میں 99.86، پنجاب میں 99.55، راجستھان میں 64.02، تمل ناڈو میں 99.55، تلنگانہ میں 89.89، اتر پردیش میں 44.76، اتراکھنڈ میں 75.28 اور مغربی بنگال میں 85.59 فیصد اسکولوں میں بجلی کا کنکشن ہے۔