بحران زدہ یوکرین میں کام کرتے رہیں گے اقوام متحدہ کے 1500 اہلکار
اقوام متحدہ،22؍فروری (ایس او نیوز؍ایجنسی) یوکرین میں بڑھتے تناؤ کے ماحول کے درمیان اقوام متحدہ یہاں رہ کر کام کرنے کے لئے پرعزم ہے۔ یوکرین میں تنظیم کے قریب 1500 اہلکار موجود رہیں گے۔ ان میں سے 100 ملک کے مشرقی حصے میں رہ رہے ہیں۔ اقوام متحدہ کے ایک ترجمان نے منگل کو یہ معلومات دی۔
ترجمان نے کہا کہ ’’زمینی سطح پر حالات کے بدلنے اور مسئلے پر بات آگے بڑھنے کے پیش نظر ہمارے کچھ غیر ضروری کام گاروں اوران کے کنبے کے اراکین کو عارضی طورپر جگہ بدلنے کی اجازت دی گئی ہے۔ حالانکہ ہم یہاں رہنے کے اپنے عزم کو برقرار رکھیں گے اور یوکرین خصوصاً مشرقی یوکرین میں اپنی خدمات دینا جاری رکھیں گے۔ ہمارا کام مکمل طورپر جاری رہے گا۔‘‘
واضح رہے کہ یوکرین میں اس بین الاقوامی تنظیم کے اس وقت 2696 اہلکار اور ان کے خاندان والے ہیں۔ ان میں سے 100 اہلکار ڈونباس علاقے میں ہیں۔ ترجمان نے اس دوران یہ بھی بتایا کہ 1510 ملازمین میں سے 149 غیر ملکی ہیں اور باقی 1361 مقامی شہری ہیں۔