نئی دہلی، 18 جولائی(ایس او نیوز/آئی این ایس انڈیا) بہبودبرائے خواتین واطفال کی وزارت نے بتایا کہ قومی خواتین کمیشن کو گزشتہ پانچ سال کے دوران عصمت دری اور عصمت دری کی کوشش کے ساتھ منسلک 10500 سے زیادہ شکایات ملی ہیں۔بہبودبرائے خواتین واطفال وزیر اسمرتی ایرانی نے جمعرات کو راجیہ سبھا کو ایک تحریری جواب میں یہ معلومات دی۔انہوں نے بتایا کہ قومی خواتین کمیشن کو ملی 10531 شکایات میں سے زیادتر شکایات شمالی ریاستوں کی ہیں۔ا سمرتی نے اعداد و شمار کا حوالہ دیتے ہوئے بتایا کہ اتر پردیش سے سب سے زیادہ 6987 شکایات ملیں جبکہ دہلی سے 667 شکایات، ہریانہ سے 659 شکایات، راجستھان سے 573 شکایات اور بہار سے 304 شکایات موصول ہوئی ہیں۔انہوں نے بتایا کہ سال 2014 میں سب سے زیادہ 2575 شکایات کمیشن کوحاصل ہوئیں۔ایرانی کے مطابق، عصمت دری اور عصمت دری کی کوشش کی اس سال 550 شکایات ملیں جبکہ گزشتہ سال ملی ایسی شکایات کی تعداد 2082 تھی۔انہوں نے بتایا کہ 2017 میں ایسی 1637 شکایات موصول ہوئی تھیں جبکہ 2016 میں 1359 شکایات ملی تھیں،2015 میں ایسی شکایات کی تعداد 2328 تھی۔