مودی کی جانب سے اعلانات کی بارش،لیکن فوری راحت کسی کو نہیں
نئی دہلی،15؍مئی(ایس او نیوز؍ایجنسی)20لاکھ کروڑ روپے کے معاشی پیکیج کی دوسری قسط کی تفصیلات پیش کرتے ہوئے وزیر خزانہ نے ریہڑی پٹری والوں، چھوٹے کسانوں، مہاجر مزدوروں کیلئے 9/ اہم اعلانات کئے ہیں لیکن آج کی پریس کانفرنس میں بھی انہوں نے غریب مہاجر مزدوروں کو فوری راحت دینے کا کوئی اعلان نہیں کیا-
وزیر خزانہ نے ایک ملک ایک راشن کارڈ اسکیم کا بھی اعلان کیا لیکن اس کا اعلان پہلے ہو چکا ہے-انہوں نے 50 لاکھ رہڑی پٹری والے تاجروں کے لئے 10 ہزار روپے کا خصوصی قرض دینے کا اعلان کیا ہے جس کے لئے حکومت 5 ہزار کروڑ خرچ کرے گی-مہارجر مزدوروں کے لئے سستے کرایہ کے مکان کے منصوبے کا اعلان کیا ہے- منریگا کی یومیہ اجرت بڑھانے کا بھی اعلان کیا ہے لیکن یہ بھی پہلے کیا جا چکا ہے-منریگا کے تحت اجرت کو 182 روپے سے بڑھا کر 202 روپے کیا گیا ہے-کسانوں کو دیئے گئے 4.22 لاکھ کروڑ روپے کے لون پر 3 مہینے کی چھوٹ کا اعلان کیا ہے-کل ملا کر اعلانات بہت ہیں لیکن زمین پر فوری راحت کوئی نظر نہیں آ رہی-