راہل گاندھی سمیت اپوزیشن کےلیڈران جائیں گےکشمیر، جموں وکشمیرانتظامیہ کا ریڈ سگنل

Source: S.O. News Service | By Shahid Mukhtesar | Published on 24th August 2019, 11:54 AM | ملکی خبریں |

نئی دہلی،24؍اگست (ایس او نیوز؍ایجنسی) کانگریس کےسابق صدرراہل گاندھی اورکئی دیگراپوزیشن جماعتوں کے سینئرلیڈرہفتہ کو کشمیرکا دورہ کریں گے اوردفعہ 370 کے اہم التزام کوہٹائے جانے کے بعد وہاں کے حالات کا جائزہ لیں گے۔ ذرائع کے مطابق گاندھی کےعلاوہ کانگریس کے سینئرلیڈر غلام نبی آزاد اورآنند شرما بھی جارہے ہیں۔ ان لیڈروں کا دوپہرکے وقت سری نگرپہنچنے کا پروگرام ہے۔

ایک ذرائع نے بتایا کہ اگرسری نگرمیں داخل ہونے کی اجازت ملی توراہل گاندھی سمیت سبھی لیڈروہاں کے حالات کا جائزہ لیں گے اورمقامی لیڈروں اورباشندوں سے ملاقات کریں گے۔ اپوزیشن لیڈروں کے اس وفد میں سی پی ایم جنرل سکریٹری سیتا رام یچوری، سی پی آئی جنرل سکریٹری ڈی راجہ، آرجے ڈی کے منوج جھا، ڈی ایم کے کے تروچا شیوا، ترنمول کانگریس کے دنیش ترویدی اورکچھ دیگرجماعتوں کے لیڈرشامل ہوں گے۔

دراصل جموں وکشمیرکے گورنرستیہ پال ملک نے راہل گاندھی کو کشمیرآنے کی دعوت دی تھی، جس کے بعد راہل گاندھی ہفتہ کوسری نگرجانے والے ہیں۔ کانگریس سمیت کئی اپوزیشن جماعتوں کے لیڈروں نے جموں وکشمیرمیں حراست میں لئے گئے لیڈروں کی رہائی کا مطالبہ کرتے ہوئے جمعرات کو یہاں احتجاج  بھی کیا تھا۔ کانگریس کے سینئرلیڈر غلام نبی آزاد، سی پی ایم کے جنرل سکریٹری سیتا رام یچوری، سی پی آئی کے جنرل سکریٹری ڈی راجہ، سماجوادی پارٹی کے لیڈررام گوپال یادو، شرد یادو، راشٹریہ جنتادل کے لیڈرمنوج جھا اورترنمول کانگریس کے دنیش ترویدی اس احتجاج میں شامل ہوئے تھے۔

جموں وکشمیرحکومت کے محکمہ اطلاعات ونشریات نے کشمیرکا دورہ کرنے جارہے لیڈروں سے اپیل کرتے ہوئے تعاون کرنے کے لئے کہا ہے اورسری نگرکا دورہ نہ کرنے کے لئے کہا۔ کیونکہ وہ دوسرے لوگوں کوپریشانی میں ڈال رہے ہیں۔ اس کے ساتھ ہی کہا گیا کہ وہ ان کی پابندیوں کی بھی خلاف ورزی کررہے ہوں گے، جوب اب بھی کئی حلقوں میں نافذ ہے۔

واضح رہےکہ حال ہی میں حکومت نے جموں وکشمیرنے جموں وکشمیرسے دفعہ 370 کے کئی التزام ہٹانےاورریاست کے زیرانتظام دو خطوں میں تقسیم کئے جانے کا قدم اٹھایا ہے۔ اس کے پیش نظرلا اینڈ آرڈربنائے رکھنےکےلئے ریاست کے کئی علاقوں میں احتیاطاً زبردست سیکورٹی اہلکاروں کی تعیناتی کی گئی اورموبائل اورانٹرنیٹ خدمات معطل کردی گئیں۔ اس کےعلاوہ سابق وزیراعلیٰ فاروق عبداللہ، عمرعبداللہ، محبوبہ مفتی سمیت کئی لیڈروں کو حراست میں لیا گیا اورنظربند کیا گیا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...