بھٹکل27 جولائی  (ایس او نیوز) پڑوسی علاقہ منکی میں  ادارہ اہل منکی  کی طرف سے دلچسپ وڈیو تکبیر مظاہرہ کا انعقاد کیا گیا ہے جس میں منکی کے ساتھ ساتھ    ہوناور، بھٹکل، مرڈیشور اور  شرور وغیرہ کے مرد حضرات   حصہ  لے سکتے ہیں۔ مظاہرہ کے لئےعمر کی کوئی  قید نہیں رکھی گئی ہے۔ اس بات کی اطلاع  ادارہ اہل منکی کے ایڈیٹر انچیف مولوی تعظیم قاضی ندوی نے دی۔

پریس ریلیز جاری کرتے ہوئے مولوی تعظیم نے بتایا کہ  عیدالاضحیٰ کے پرمسرت موقع پر پہلی بار تکبیر مظاہرہ  رکھا گیا ہے جس میں شریک ہونے والوں  سے درخواست کی گئی ہے کہ وہ اپنے موبائل کے ذریعے اپنی خوبصورت آواز میں تکبیر پڑھ کراُس کی وڈیو ریکارڈنگ   9591147596 / 9632165636 نمبر پر وہاٹس ایپ  کریں۔

مولوی تعظیم نے بتایا کہ تکبیر کا مطلب اللہ کی بڑائی  اور اُس کی کبریائی  کا ورد ہے۔ تکبیر کا مطلب دنیا جہاں کی چیزوں کو چھوٹا سمجھ کر صرف ایک اللہ کی عظمت کا اعلان کرنا ہے،تکبیر کا مطلب اللہ اور صرف اللہ کو بڑا مان کر اُس کو بار بار زبان پر لانے کا نام ہے۔ انہوں نے عوام الناس سے کہا کہ وہ تکبیر سے اپنے دلوں کو گرمائیں،تکبیر سے ایک اللہ کی بڑائی  کا اعلان کریں،تکبیر سے خدائے بزرگ و برتر کا نعرہ بلند  کرکے عید کی خوشیوں کو دوبالا کریں۔

مولوی تعظیم کے مطابق یہ مظاہرہ شروع ہوچکا ہے اور  ادارہ اہل منکی کے اسلامک ٹی وی چینل پر نشر کیا جارہا ہے، ان کے مطابق یہ مظاہرہ 13 ذالحجہ  تک جاری رہے  گا، جس کے دوران  دلچسپی لینے والے حضرات اپنی آواز میں تکبیر   پڑھ کر اُس کی وڈیو ریکارڈنگ روانہ کرسکتے ہیں۔

یوٹیوب  اہل منکی اسلامک ٹی وی چینل کا لنک یہ ہے:
EhleManki Islamic TV