پیاز نے نکالے عوام کے آنسو! 200 کے پار جانے کے لئے مچل رہے ہیں دام

Source: S.O. News Service | By INS India | Published on 8th December 2019, 12:32 PM | ملکی خبریں | ان خبروں کو پڑھنا مت بھولئے |

بھٹکل /نئی دہلی 8/دسمبر (ایس او نیوز/ایجنسی)   پیاز کی قیمت سو روپئے سے بڑھ کر ڈیڑھ سو،  پھر 165 اور اب 180 تک پہنچ گئےمیں اور دام ہیں کہ کم ہونے کے بجائے بڑھتے جارہے ہیں اور اس بار پیاز آنکھوں سے  آنسو  ہی نہیں نکال  رہی بلکہ نئے نئے ریکارڈ بنا رہی ہے۔  بھٹکل  مارکٹ میں اس وقت پیاز کے دام 180 کے پار ہوگئے ہیں اور 200 کے پار جانے کے لئے مچل رہے ہیں۔

ملک کے چاروں بڑے شہروں میں پیاز کی خردہ قیمت 150 روپے فی کلوگرام یا اس سے زیادہ ہے۔ جبکہ دو روز قبل پیاز  کولکتہ میں 140روپے اور ممبئی میں 120روپے فی کلوگرام تھی۔ ملک میں پیاز کی سب سے کم قیمت اترپردیش کے جھانسی میں ہے، جہاں اس کی خردہ قیمت 43روپے فی کلوگرام بتائی گئی ہے۔

سرکاری رپورٹ کے مطابق جھارکھنڈ کی راجےدھانی میں جہاں کل اسمبلی انتخابات ہوئے  ہیں، دو روز قبل تک لوگ ایک سو روپے یا اس سے زیادہ قیمت پر پیاز خرید رہے تھے۔ جبکہ کوزی کوڈ میں پیاز کی قیمت 160روپے فی کلوگرام، ایرنا کلم میں 150روپے، وائناڈ میں 155روپے، تروچراپلی اور پورٹ بلیئر میں 140روپے، بنگلورو میں 140روپے اور مینگلور میں 149روپے فی کلوگرام تھی۔ مگر اب پیاز کی قیمت میں مزید اضافہ ہوگیا ہے اور سمجھا جارہا ہے کہ اگلے دو دنوں میں قیمت دو سو کے پار ہوجائے گی۔

ایک نظر اس پر بھی

سی اے اے کے خلاف تمام اپوزیشن جماعتوں کو ایک پلیٹ فارم پر آنے کی ضرورت: پی چدمبرم

  این پی آر کی موجودہ شکل کو ناقابل قبول بتاتے ہوئے سابق مرکزی وزیر پی چدمبرم نے کہا کہ کانگریس پارٹی اس کو قبول نہیں کرے گی ۔انہوں نے شہریت ترمیمی ایکٹ ،این آر سی اور این پی آر کے خلاف تمام اپوزیشن جماعتوں کو متحد ہوکر اس کی مخالفت کرنی چاہیے۔

دہلی: کانگریس کی 54 امیدواروں کی فہرست جاری

کانگریس نے دہلی کی 70 ارکان پر مشتمل اسمبلی کے انتخابات کےلئے 54 امیدواروں کی پہلی فہرست سنیچر کو جاری کی جس میں سینئر لیڈر کرشنا تیرتھ، راجیش لیلوتیا، ہارون یوسف، ڈاکٹر نریندر ناتھ اور اروند سنگھ لولی سمیت کئی اہم لیڈر شامل ہیں۔ کانگریس انتخابی کمیٹی کے سربراہ مکل واسنک نے ...

کیجریوال نے کروڑوں روپے لیکر ٹکٹ فروخت کیا: آدرش شاستری

سابق وزیر اعظم لال بہادر شاستری کے پوتے اور دوارکا سے عام آدمی پارٹی (عآپ) کے رکن اسمبلی آدرش شاستری نے ہفتہ کے روز وزیر اعلی اروند کیجریوال پر 10 سے 20 کروڑ روپے لیکر دہلی اسمبلی انتخابات کے ٹکٹ فروخت کرنے کا سنگین الزام عائد کیا ہے۔

  اتر پردیش میں 10 آئی پی ایس افسران کے تبادلے

 اتر پردیش حکومت نے سنیچر کو انڈین پولیس سروس (آئی پی ایس) کے دس افسران کا تبادلہ کر دیا۔ سرکاری ذرائع کے مطابق پی اے سی مرادآباد میں ڈپٹی انسپکٹر جنرل آف پولیس ایس سی دوبے کو اعظم گڑھ (رینج) کا ڈپٹی انسپکٹر جنرل آف پولیس بنایا گیا ہے جبکہ اعظم گڑھ کے موجود ڈی آئی جی جے ...

نربھیا کیس: مجرم پون کا دفاع کرنے والے وکیل برے پھنسے، بار کونسل نے بھیجا نوٹس

نربھیا کیس میں قصواروں کے وکیل اے پی سنگھ کو دہلی کی بار کونسل نے نوٹس جاری کیا ہے۔ اتنا ہی نہیں، بار کونسل نے ان سے دو ہفتے کے اندر جواب بھی طلب کیا ہے۔ قابل ذکر ہے کہ ہائی کورٹ نے حال ہی میں دہلی بار کونسل سے اے پی سنگھ کے خلاف کارروائی کرنے کو کہا تھا۔ ساتھ ہی ان کے اوپر 25 ہزار ...

60 کروڑ آدھار نمبر پہلے ہی این پی آرسے جوڑے جا چکے ہیں

اس وقت اس بات کو لے کر تنازعہ چل رہا ہے کہ این پی آر کو آدھار کے ساتھ جوڑا جائے گا یا نہیں۔ کئی میڈیا رپورٹس میں یہ بتایا گیا ہے کہ این پی آر کو آدھار نمبر کے ساتھ جوڑا جائے گا۔ لیکن وزارت داخلہ کا یہ کہنا ہے کہ کسی بھی شخص کو کوئی بھی دستاویز دینے کو مجبور نہیں کیا جائے گا۔

بھٹکل مسلم اسوسی ایشن کے عام انتخابات؛ قمر مرچنٹ صدر اور وصی اللہ مصباح جنرل سکریٹری منتخب

 جناب شیخ محمد قمر المعروف قمر مرچنٹ صاحب   بھٹکل مسلم اسوسی ایشن کے صدر منتخب ہوگئے جبکہ  جناب مصباح وصی اللہ صاحب جنرل سکریٹری کے عہدہ پر فائز ہوگئے۔ ان دونوں کا انتخاب  جمعہ کی شب  الیکشن کمشنر جناب خواجہ فوزان محتشم صاحب کی رہائش گاہ پر منعقدہ انتخابات کے بعد ہوا۔ دیگر ...

بنگلورو: شہریت قانون کے خلاف مندر کی دیواروں پر بھی لکھے گئے نعرے 

شہریت قانون، این آر سی اور این پی آر کے خلاف الگ الگ انداز میں مظاہرے پورے ملک میں جاری ہے۔ کہیں پوسٹر و بینر کے ساتھ مظاہرے ہورہے ہیں تو کہیں سڑکوں پر پینٹنگ کے ذریعہ احتجاج درج کیا جارہا ہے، کہیں روزہ و افطار کا اہتمام کیا جارہا ہے تو کہیں سلسلہ وار بھوک ہڑتال جاری ہے۔ اس ...

سی اے اے اور این آر سی کی مخالفت میں احتجاجات، بنگلورو، نمبر ایک پر،گلبرگہ دوسرے، منگلورو، تیسرے اور شیموگہ چوتھے مقا م پر 

شہریت ترمیمی قانون اور شہریت رجسٹر یشن (این آر سی) کی مخالفت میں ریاست بھر میں احتجاجات کا سلسلہ جاری ہے اور اس سلسلے کے مطابق ریاست بھر میں بنگلورو کو احتجاجات کے معاملے میں سرفہرست مقام حاصل ہوا ہے۔

دہلی: لیفٹیننٹ گورنر نے پولس کو ’این ایس اے‘ استعمال کرنے کا دیا خصوصی اختیار

دہلی میں شہریت ترمیمی قانون، این آر سی اور این پی آر کے خلاف مظاہرہ دن بہ دن تیز ہوتا جا رہا ہے۔ اس درمیان دہلی کے لیفٹیننٹ گورنر (ایل جی) انل بیجل نے ایک انتہائی سخت قدم اٹھاتے ہوئے دہلی پولس کو این ایس اے استعمال کرنے کا خصوصی اختیار دے دیا ہے۔ این ایس اے یعنی نیشنل سیکورٹی ...