سبرامنیا میں درخت کاٹنے وقت حادثاتی طور پر گلے میں پھندا پڑنے سے ایک شخص ہلاک
سبرامنیا13/فروری (ایس او نیوز) کوُکّے سبرامنیا میں ایک المناک حادثہ پیش آیاجس میں درخت کاٹنے کے لئے اوپر چڑھے ہوئے شخص کی گردن حادثاتی طور پر اسی رسّی کے پھندے میں پھنس گئی جو وہ اپنے ہاتھ میں پکڑ ہواتھا۔
گلے میں پھنداپڑتے ہی سنیل ارمپاڈی نامی شخص کی لاش درخت کی شاخ پر جھولنے لگی۔بتایا جاتا ہے کہ سنیل ایک بہت بڑے درخت کی موٹی موٹی شاخیں کاٹنے کے لئے اس پر چڑھا ہواتھا۔جس کے دوران یہ حادثہ پیش آیا۔
اس واقعے کی اطلاع ملتے ہی سبرامنیا پولیس نے موقع پر پہنچ کر معائنہ کیا اور مقامی لوگوں کی مدد سے لاش کو درخت سے نیچے اتار لیا۔حادثاتی موت کا کیس درج کرلیا گیا ہے۔
