بھٹکل میں پوکسو ایکٹ کے تحت نوجوان گرفتار؛ لاپتہ لڑکی کو ڈھونڈ نکالتے ہوئے بنگلور سے واپس لانے میں پولس ہوئی تھی کامیاب
بھٹکل 13/اپریل (ایس او نیوز) اسکول کی ایک طالبہ کو بہلا پھسلا کر اُسے بنگلور بھگا کر لے جانے اور اس کے ساتھ جسمانی تعلقات قائم کرنے کے الزام میں پولس نے ایک شخص کو گرفتار کرلیا ہے جس کی شناخت تعلقہ کے چتراپور کے رہنے والے اکشے منجوناتھ نائک (۲۳) کی حیثیت سے کی گئی ہے۔
تین چار روز قبل ایک لڑکی جوگھر سے اسکول کےلئے نکلی تھی، اچانک لاپتہ ہوگئی تھی، گھر والوں نے بھٹکل مضافاتی پولس تھانہ میں اس تعلق سے معاملہ درج کرایا تھا، پولس نے فوری کاروائی کرتے ہوئے 48 گھنٹوں کے اندر لڑکی کو بنگلور سے ڈھونڈ نکالا اور اُسے واپس بھٹکل لے آنے میں کامیاب ہوگئی، البتہ ملزم فرار ہوگیا تھا، مگر تازہ اطلاع کے مطابق پولس نے ملزم کو بھی گرفتار کرلیا ہے۔ ذرائع سے ملی اطلاع کے مطابق لڑکی کے ساتھ جسمانی تعلقات قائم ہونے کی مصدقہ رپورٹ ملنے کی بعد پولس نے ملزم کے خلاف پوکسو ایکٹ کے تحت معاملہ درج کرلیا ہے۔
معاملے کو لے کر بھٹکل مضافاتی پولس تھانہ کے سب انسپکٹر مزید جانچ کررہےہیں۔
