کرناٹک اسمبلی کے نااہل قرار دئیے گئے ارکان اسمبلی کے 15حلقوں میں 21اکتوبر کو ضمنی انتخابات : الیکشن کمیشن کا اعلان
نئی دہلی :21؍ستمبر(ایس اؤ نیوز)کرناٹکا ریاستی اسمبلی کے لئے نااہل قرار دئیے گئے ارکان اسمبلی کے حلقوں کے لئے 21اکتوبر کو ضمنی انتخابات منعقدکرنے کا الیکشن کمیشن نے اعلان کیا ہے۔
ریاست میں کل 17حلقوں میں ضمنی انتخابات ہونے تھے مگر مسکی اور راج رجیشوری نگر ودھان سبھا حلقوں کے انتخابات کو لے کر عدالت نے اسٹے آرڈر دئیے جانے کی وجہ سے بقیہ 15حلقوں میں انتخابات ہونگے۔ ریاست کرناٹک کے گوکاک، اتھنی ، رانے بنور، کاگ واڑ، ہیرے کیرور، وجئے نگر،یلاپور، چک بلاپور، ہنسور، کے آر پیٹے ، ہوسکوٹے ، کے آر پورم، مہالکشمی لے آؤٹ ، یشونت پور ، شیواجی نگر حلقوں میں ضمنی انتخابات ہونگے۔ 21اکتوبر کو انتخابات ہونگے اور 24اکتوبر کو ووٹوں کی گنتی کے ساتھ ہی نتائج کا اعلان ہوگا۔ چونکہ ضمنی انتخابات کا اعلان ہوچکا ہے آج سے ہی ضابطہ اخلاق جاری ہوگا۔
ضمنی انتخابات کے اعلامیہ کی تاریخ :23ستمبر 2019۔ پرچہ نامزدگی داخل کرنے کی آخری تاریخ:30ستمبر 2019
پرچہ نامزدگی واپس لینےکی آخری تاریخ :03اکتوبر 2019۔ ووٹنگ 21اکتوبر کو اور 24اکتوبر کو انتخابات کے نتائج کا اعلان ہوگا۔