افریقہ:بم کی طرح پھٹا آئل ٹینکر،آتشزدگی سے 99 افراد ہلاک

Source: S.O. News Service | Published on 7th November 2021, 11:15 AM | عالمی خبریں |

فری ٹاؤن؍لندن،7؍نومبر (ایس او نیوز؍ایجنسی)مغربی افریقی ملک سیرا لیون کے دارالحکومت فری ٹاؤن میں آئل ٹینکر میں دھماکے اور آگ لگنے سے کم از کم 99افراد ہلاک ہو گئے ہیں۔

حادثہ کے متأثرین ٹینکر سے لیک ہونے والے تیل کو بھرنے کے لیے جمع ہوئے تھے کہ تیل میں آگ لگ گئی اور پھر ٹینکر میں زور دار دھماکہ ہوگیا، جس کی وجہ سے وہاں موجود لوگ اس کی زد میں آگئے۔حالات انتہائی خوفناک مناظرپیش کررہے تھے۔آگ سے جھلسے لوگ سڑکوں پر چیختے چلاتے بھاگنے لگے،جسم کے حصہ جل کر زمین پر گرنے لگے۔

ہفتے کی صبح پیش آنے والے حادثہ کے عینی شاہدین اور اہلکاروں نے بتایا کہ متأثرین کی بڑی تعداد ٹینکر سے لیک ہونے والا تیل جمع کرنے کیلئے پہنچی تھی۔ ویلنگٹن کے مضافاتی علاقہ میں ایک بس ایک ٹینکر سے ٹکرا گئی۔ یہ فری ٹاؤن کے مشرق میں واقع ہے۔ خبر رساں ادارے اے ایف پی کے مطابق حکومت نے ابھی تک ہلاکتوں کی تعداد کی تصدیق نہیں کی ہے،تاہم فری ٹاؤن میں مرکزی مردہ خانے کے منیجر کے مطابق انہیں دھماکے کے بعد 99 لاشیں ملی ہیں۔یہ واقعہ اس وقت پیش آیا جب تقریباً 40 فٹ لمبے آئل ٹینکر بس سے ٹکرا گیا۔ اس کے بعد ٹینکر سے تیل رسنے لگا،اور کچھ ہی دیر میں زبردست دھماکہ کے ساتھ آگ لگ گئی،جس سے پورے علاقے میں قیامت ٹوٹ گئی۔

پورٹ سٹی کے میئر نے کہا کہ متاثرین میں وہ لوگ بھی شامل ہیں جو تباہ شدہ ٹینکر سے رسنے والا تیل جمع کرنے کے لیے جمع ہوئے تھے۔ نیشنل ڈیزاسٹر مینجمنٹ ایجنسی کے سربراہ بریما بورہ سیس نے کہا کہ ہمیں بہت سی جلی ہوئی لاشیں ملی ہیں، یہ حادثہ بہت ہولناک ہے۔ واقعہ کی ویڈیوز سوشل میڈیا پر وائرل ہو رہی ہیں۔ ویڈیو میں دیکھا جا سکتا ہے کہ لوگ بری طرح جھلسے ہوئے ہیں۔ آس پاس کے گھروں اور دکانوں کو بھی آگ نے اپنی لپیٹ میں لے لیا۔اسکاٹ لینڈ کے شہر گلاسگو میں اقوام متحدہ کی موسمیاتی تبدیلی کانفرنس میں شرکت کررہے سیرا لیون کے صدر جولیس ماڈا بائیو نے حادثے میں ہلاک ہونے والوں کے اہل خانہ سے تعزیت کا اظہار کیا ہے۔

ایک نظر اس پر بھی

عراق میں نئی پارلیمنٹ کا پہلا اجلاس ہنگاموں کی نذر۔ بھگدڑ اور افراتفری کے درمیان اسپیکر کا انتخاب

عراق میں  خداخدا کرکے نئی پارلیمنٹ کی کارروائی شروع ہوئی لیکن اس کے پہلے اجلاس کا پہلا ہی دن ہنگاموں کی نذر ہو گیا۔ اس دوران  ایوان میں بھگدڑ جیسا ماحول تھا۔ اسی افراتفر ی کے دوران نئے اسپیکر کا انتخاب عمل میں آیا۔  یاد رہے کہ عراق میں عام انتخابات کو ۳؍ ماہ ہو چکے ہیں۔ لیکن ...

کوئی ملک طاقت کے ذریعے دوسرے ملک کی سرحدیں تبدیل نہیں کر سکتا: امریکی نائب وزیر خارجہ

 جنیوا میں امریکہ اور روس کے درمیان مذاکرات کسی اہم پیش رفت کا اعلان کیے بغیر ختم ہوگئے ہیں۔ امریکہ کی نائب وزیرخارجہ وینڈی شرمین اور ان کے روسی ہم منصب سرگئی ریابکوف کے درمیان سوئس شہر میں کوئی ساڑھے سات گھنٹے تک بات چیت اور مشاورت جاری رہی۔

پاکستان کے سیاحتی مقام مری میں زبردست برفباری؛ 22 لوگوں کی موت؛ گاڑیوں میں بیٹھے بیٹھے سیاحوں نے توڑا دم

پاکستان کے صوبہ پنجاب کے تفریحی مقام مری میں ہوئی زبردست برفباری کے دوران راستے میں ہی پھنس کر کم از کم 22 افراد کی موت واقع ہوگئی۔ پاکستانی میڈیا کے مطابق مری میں شدید برفباری اور رش میں پھنس کر 22 افراد کی ہلاکت کے بعد ایمرجنسی نافذ کردی گئی ہے، رپورٹوں میں کہا گیا ہے کہ ...