بھٹکل : سمیع اللہ اِٹّل پھر ایک بار شاہین اسپورٹس سینٹر کے صدرمنتخب ؛ جسّاد سعدا ندوی کا جنرل سکریٹری کے طور پر انتخاب
بھٹکل 24 ستمبر (ایس او نیوز) بھٹکل مخدوم کالونی کے شاہین اسپورٹس سینٹر کے لئے سمیع اللہ اِٹّل پھر ایک بار صدر کے عہدہ پر منتخب ہوگئے جبکہ مولوی جسّاد سعدا ندوی کا جنرل سکریٹری کے طور پر انتخاب عمل میں آیا۔ عہدیداران کا انتخاب جمعرات بعد نماز عشاء فاطمہ علی ہال میں منعقد ہوا۔
دیگر عہدیداران میں جناب مبشر حُسین ہلارے نائب صدر، جناب عرفان میڈیکل سکریٹری، مولوی حافظ مزمل ہلارے ندوی محاسب، اسامہ گنگاولی خازن اور جناب حسن شبر پوتے اسپورٹس سکریٹری کے طور پر منتخب ہوئے۔
44 سالوں سے شاہین اسپورٹس سینٹر مخدوم کالونی کے عوام کے لئے خدمات پیش کرتی آرہی ہے، علاقہ کے مسائل کو حل کرنے اور نوجوانوں کو تعلیم اورکھیل کے مقابلوں میں تیار کرانے سمیت دیگر فلاحی کاموں میں بھی نہایت متحرک ہے۔ ساتھ ساتھ بھٹکل کے دیگر سماجی اداروں کے لئے بھی وقتاً فوقتاً شاہین کے اراکین اپنی خدمات پیش کرتے رہے ہیں۔
